ओटावा (क्यानडा), १९ अक्टोबर (हि.स.)। क्यानडाको अल्बर्टा प्रान्तमा अवस्थित सैन्य शिविर (क्यानेडियन फोर्सेस बेस वेनराइट) मा शनिबार भएको आगलागीमा चार सैनिकको मृत्यु भएको छ। क्यानडाका प्रधानमन्त्री मार्क कार्नीले आइतबार यसको पुष्टि गरेका हुन्। उनले दर्जनौँ अन्य व्यक्ति गम्भीर रूपमा जलेर घाइते भएको बताए। उनले घटनाको विस्तृत विवरण माग गरेका छन्।

सीबीएस न्युजको रिपोर्टअनुसार, अल्बर्टाकी प्रिमियर डेनियल स्मिथले ३९ जना अझै अस्पतालमा भर्ना रहेको बताएकी छन्। उनीहरूमध्ये कम्तीमा १९ जनाको अवस्था गम्भीर छ। स्मिथका अनुसार, घाइतेहरूलाई क्यानेडियन फोर्सेस बेस वेनराइटबाट अल्बर्टाका चारवटा अलग-अलग अस्पतालमा स्थानान्तरण गरिएको छ। मृतकहरूमा सार्जेन्ट मोर्गन वोङ, शन फेरेल, एडन गोल्डिङ र हेडन लाइकेमार्क रहेका छन्।

रक्षामन्त्री डेभिड म्याकगिन्टीले भने, “सैन्य शिविरमा भएको घटनामा केही व्यक्तिको मृत्यु भएको र धेरै जना घाइते भएको जानकारी दिनुपर्दा मलाई अत्यन्त दुःख लागेको छ।”

हिन्दुस्थान समाचार / बिशाल