नयाँ दिल्ली, १९ अक्टोबर (हि.स.)। प्रधानमन्त्री नरेन्द्र मोदीले जापानको आइची–नागोयामा आयोजित एशियाई पारा खेलकुद–२०२६ मा स्वर्ण पदक जितेर नयाँ खेल कीर्तिमान कायम गर्ने मोना अग्रवाल र रजत पदक विजेता अवनि लेखरालाई बधाई दिएका छन्। उनले दुवै खेलाड़ीको प्रदर्शनको प्रशंसा गर्दै उनीहरूको उपलब्धिले देशलाई गौरवान्वित बनाएको बताएका छन्।

प्रधानमन्त्री कार्यालयले सोमवार सामाजिक सञ्जालको माध्यम ‘एक्स’ मा प्रधानमन्त्रीको सन्देश साझा गर्दै मोनाले महिलाको १० मिटर एयर राइफल स्ट्यान्डिङ एसएच१ स्पर्धामा २५० अङ्क हासिल गरी स्वर्ण पदक जित्नुका साथै नयाँ एशियाई पारा खेलकुद कीर्तिमान कायम गरेको जानकारी दिएको छ। अवनि लेखराले यही स्पर्धामा २४९.६ अङ्क हासिल गर्दै रजत पदक आफ्नो नाममा गरेकी छन्।

मोनाको उपलब्धिमा प्रधानमन्त्रीले उनको सटीक निशानेबाजी, दृढ़ सङ्कल्प र धैर्यको प्रशंसा गर्दै आगामी प्रतियोगिताहरूका लागि शुभकामना दिएका छन्। अवनीलाई बधाई दिँदै उनले उनको निरन्तरता र दृढ़ सङ्कल्प प्रशंसनीय रहेको बताएका छन्।

/ बिशाल