जयपुर, 19 अक्टोबर (हि.स.)। राजस्थानमा पश्चिमी विक्षोभको प्रभावले मौसमले अचानक कोल्टे फेरेको छ। आइतवार राज्यका धेरै वटा जिल्लाहरूमा वर्षा र असिना पानी परेपछि सोमवार बिहान पनि बादलको प्रभाव देखिँदैथ । सवाई माधोपुर जिल्लाको खन्दर क्षेत्रमा सोमवार भोर बिहान 3 बजेतिर शुरु भएको वर्षा बिहान 8 बजेसम्म निरन्तर जारी रह्यो। केही ठाउँमा हल्का वर्षा भएको छ भने अन्य क्षेत्रमा भारी वर्षा भएको छ। मौसममा आएको यो परिवर्तनले तापक्रम घट्नको साथै चिसो पनि बढ़ाएको छ। खेतमा तयार भएको अन्नबालीलाी लिएर किसानहरूको चिन्ता बढेको छ।
जयपुर, अजमेर, सवाई माधोपुर, टोङ्क र बारान सहित राज्यका धेरै वटा जिल्लाहरूमा आइतवार वर्षा भयो। जयपुर तथा अजमेरमा पनि असिना पानी पऱ्यो। दिनभर घाम कमजोर भएकाले अधिकतम तापक्रम घटेको छ। मौसमको मनोदशा यति धेरै परिवर्तन भएको छ कि दिनमा पनि अलिक चिसो महसूस हुन थाल्यो। वर्षा र बादलले मानिसहरूलाई भीषण गर्मीबाट राहत दिएको छ भने रातको तापक्रममा आएको ह्रासले चिसलाई अझ तीव्र बनाएको छ।
आइतवार राज्यका धेरै वटा शहरहरूमा सामान्य अधिकतम तापक्रमभन्दा कम रेकर्ड गरिएको छ।
रेकर्ड गरिएको अधिकतम तापक्रम अलवरमा 31.8 डिग्री, हनुमान गढ़मा 31.2, करौली, झुन्झुनुमा 32.4, सिकरमा 32, पिलानीमा 33 तथा अजमेरमा 33.7 डिग्री सेल्सियस थियो। यी क्षेत्रहरूको मौसम दिनको समयमा पनि अपेक्षाकृत चिसो थियो।
तर, पश्चिमी राजस्थानका केही भागहरूमा गर्मी कायम छ। बाड़मेरमा राज्यको उच्चतम तापक्रम 38 डिग्री सेल्सियस रेकर्ड गरिएको छ। सिरोहीमा 37.1, जोधपुरमा 36.8, जालोरमा 36, फलोदीमा 36.2 र जैसलमेरमा 35.9 डिग्री सेल्सियस रेकर्ड गरिएको छ।
वर्षा र बादलको प्रभावमा राती पनि चिसो हुन थालेको छ।
आइतवार सिकरमा 18.8, टोङ्कमा 19.4, अलवरमा 19.5, पिलानीमा 19.3, पालीमा 19.7, श्रीगङ्गानगर र झुन्झुनुमा 18.6, डुङ्गरपुरमा 15.3 तथा फतेहपुरमा 17 डिग्री सेल्सियस न्यूनतम तापक्रम थियो। माउन्ट आबूमा न्यूनतम तापक्रम 15.3 एवं सिरोहीमा 16 डिग्री सेल्सियस रेकर्ड गरिएको थियो। राज्यका 10 वटाभन्दा बढी शहरहरूमा रातीको तापक्रम 20 डिग्रीभन्दा तल झरेको कारण बिहान र राति चिसो भइरहेको छ।
मौसम विज्ञान केन्द्र जयपुरको पूर्वानुमान अनुसार सोमवारदेखि आगामी तिीनदेखि चार दिनसम्म राज्यमा मौसम मुख्यतया सुख्खा रहने सम्भावना छ। यस अवधिमा आकाश सफा र घमाइलो रहने अनुमान गरिएको छ। तर अक्टोबर 22 र 23 मा ताजा पश्चिमी विक्षोभ सक्रिय हुने अपेक्षा गरिएको छ जसको प्रभावले राज्यको मौसम फेरि परिवर्तन हुन सक्छ।
--------
हिन्दुस्थान समाचार / उष्णता छेत्री शर्मा
