नयाँ दिल्ली, 0२ अक्टोबर (हि.स.)। राष्ट्रपिता महात्मा गान्धी तथा पूर्वप्रधानमन्त्री स्वर्गीय लालबहादुर शास्त्रीको जयन्तीका अवसरमा शुक्रवार संविधान सदनको केन्द्रिय सभाकक्षमा दुवै महान् विभूतिको तस्बिरमा पुष्पाञ्जली अर्पण गरी भावपूर्ण श्रद्धाञ्जली दिइयो।
यस अवसरमा प्रधानमन्त्री नरेन्द्र मोदी, लोकसभा अध्यक्ष ओम बिरला, रक्षामन्त्री राजनाथ सिंह, केन्द्रिय स्वास्थ्य तथा परिवार कल्याण एवं रसायन तथा मलमन्त्री जेपी नड्डा, केन्द्रिय संसदीय मामिला तथा अल्पसंख्यक मामिला मन्त्री किरेन रिजिजु, राज्यसभामा विपक्षी दलका नेता मल्लिकार्जुन खरगे, लोकसभामा विपक्षी दलका नेता राहुल गान्धी, सांसद तथा भारतीय जनता पार्टीका अध्यक्ष नितिन नवीन, संसद् सदस्य, पूर्वसांसद तथा अन्य विशिष्ट व्यक्तिहरूले महात्मा गान्धी र लालबहादुर शास्त्रीका तस्बिरमा पुष्पाञ्जली अर्पण गरी श्रद्धाञ्जली व्यक्त गरे।
यस अवसरमा प्रधानमन्त्री नरेन्द्र मोदीले विद्यालयका विद्यार्थीहरूसँग संवाद पनि गरे।
लोकसभा अध्यक्ष ओम बिरलाले दुवै महान् नेताको जीवन तथा देशप्रतिको योगदानलाई स्मरण गरे। उनले सामाजिक सञ्जाल ‘एक्स’ मा साझा गरेको सन्देशमा भनेका छन्, “पूज्य महात्मा गान्धी र श्रद्धेय लालबहादुर शास्त्रीको सम्पूर्ण जीवन देशवासीका लागि प्रेरणाको स्रोत हो। सत्य, अहिंसा, सरलता र राष्ट्रसेवाका उनीहरूका आदर्शले आगामी पुस्तालाई पनि मार्गदर्शन गरिरहनेछन्।”
/ बिशाल
