हुगली, 27 अक्टोबर (हि.स.)। हुगली जिल्लाको पुरशुड़ा विधानसभा निर्वाचन क्षेत्र अन्तर्गत दामोदर नदीको बाँध किनारमा अवस्थित मजूुमदार पड़ामा गए सोमवार राती भएको भयानक आगलागीमा धेरै वटा घरहरू जलेर भस्म भएका छन्। यस घटनाले कल्पना हाँसदा, सुकुमार हाँसदा एवं अनिता हाँसदाका परिवार प्रभावित भएका छन्।

घटनापछि मङ्गलवार पुरुशुड़ाका विधायक बिमान घोषले प्रभावित परिवारहरूलाई भेट गरी उनीहरूको अवस्थाबारे जानकारी लिए। उनले परिवारका सदस्यहरूसँग बातचित गरी यस कठिन घड़ीमा आफू उनीहरूको साथमा रहेको र हरसम्भव सहयोग गर्ने आश्वासन दिए।

विधायक बिमान घोषले भने, यस कठिन समयमा पीडित परिवारहरूको दुःखलाई साझा गर्दै उनीहरूलाई सहयोग गर्ने प्रयास गरिँदैछ। आगलागीमा घरबार गुमाएका परिवारहरूलाई सामान्य जीवनमा फर्किन सहयोग गर्न पनि पहल गरिनेछ।

आगलागीपछि प्रभावित परिवारहरूमाथि आफ्नो घर पुनर्निर्माण गर्ने चुनौती आइलागेको छ। यस्तो अवस्थामा विधायकको यस भेटले पीडित परिवारहरूमा सहयोग पाउने आशा जगाएको छ।

हिन्दुस्थान समाचार / उष्णता छेत्री शर्मा