जलपाइगढ़ी, 0५ अक्टोबर (हि.स.)। गाँजा तस्करीको प्रयासलाई भोरेर आलो थाना पुलिसले विफल पारेको छ। पुलिसले लगभग ५० किलो गाँजा जफत गर्दै लरी चालकलाई पक्राउ गरेको छ। पक्रा पर्ने व्यक्तिको पहिचान जहानुर अली मियाँका रूपमा भएको छ।

पुलिस अनुसार, आइतवार राति गोप्य सूचनाका आधारमा सिलगढ़ी-जलपाइगढ़ी राष्ट्रिय राजमार्ग अन्तर्गत राजगञ्जको बन्धुनगर क्षेत्रमा अभियान चलाइयो। यस क्रममा एउटा शंकास्पद मालवाहक लरी रोकेर तलासी लिइयो। तलासीका क्रममा लरीको चालक कक्षको माथि समान राख्न बनाइएको क्यारियरमा चार वटा नीलो रङका झोला फेला पऱ्यो। ती झोलाभित्र विशेष तरिकाले लुकाएर राखिएको लगभग ५० किलो गाँजा जफत गरिएको हो।

प्रारम्भिक अनुसन्धानमा पुलिसले गाँजा कुचबिहारबाट सिलगढ़ी हुँदै अर्को राज्यमा तस्करीका लागि लगिरहेको हुनसक्ने आशंका गरेको छ। जफत गाँजाको अनुमानित बजार मूल्य लगभग पाँच लाख रुपियाँ रहेको बताइएको छ।

पुलिसले गाँजा सहित लरी समेत नियन्त्रणमा लिएको छ। पक्रा परेको आरोपीलाई सोमवार जलपाइगढ़ी जिल्ला अदालतमा पेश गरिनेछ।

हिन्दुस्थान समाचार / भवानी थामी