कोलकाता, ०७ अक्टोबर (हि.स)। प्रधानमन्त्री नरेन्द्र मोदीले प्रशासनिक प्रमुख (मुख्यमन्त्री र प्रधानमन्त्री) को रूपमा लगातार 25 वर्ष पूरा गरेको अवसरमा देशभरि नै विभिन्न प्रकारका कार्यक्रमहरू आयोजना भइरहेका छन्। यस सुदीर्घ एवं सफल कार्यकालको उत्सव मनाउनको लागि देशभरि नै 'सेवा ज्योति यात्रा' कार्यक्रम शुरु गरिएको छ। सोही क्रममा मुख्यमन्त्री शुभेन्दु अधिकारीद्वारा पनि बुधवार बिहान कोलकाताको नेताजी इन्डोर स्टेडियममा दीप प्रज्वलन गरी अभियानको औपचारिक शुरुवात गरियो।
यस अवसरमा मुख्यमन्त्री शुभेन्दु अधिकारीले प्रधानमन्त्रीको कार्यप्रणालीको प्रशंसा गर्दै भने, उनी (नरेन्द्र मोदी) आफूलाई प्रधानमन्त्री होइन, 'प्रधान सेवक' भन्छन्। उनी भन्ने मात्र होइन, त्यही भावनाले आफ्नो काम पनि गर्छन्। मोदीजी हामी सबैका लागि ठूलो प्रेरणा हुन्।
नेताजी इन्डोर स्टेडियममा आयोजित भव्य कार्यक्रममा विशाल स्क्रिन (जायन्ट स्क्रिन) को माध्यमबाट राष्ट्रको नाममा प्रधानमन्त्रीको सम्बोधनलाई प्रत्यक्ष प्रसारण गरियो जसलाई कार्यक्रममा उपस्थित मानिसहरूले सुने अनि हेरे। यस महत्वपूर्ण अवसरमा राज्यका लगभग सबै मन्त्री एवं राज्य भाजपाका शीर्ष नेताहरू पनि उपस्थित थिए।
--------
/ बिशाल
