कुल्लू, 0७ अक्टोबर (हि.स.)। राष्ट्रपति द्रौपदी मुर्मूले बुधवार हिमाचल प्रदेशको रोहताङ स्थित रणनीतिक दृष्टिले महत्त्वपूर्ण अटल सुरुङको भ्रमण गरिन्। यस क्रममा उनले सुरुङ निर्माणमा सीमा सड़क संगठन (बीआरओ) को योगदानको प्रशंसा गरिन्।

राष्ट्रपतिले सीमा सड़क संगठनको समर्पण र कड़ा मेहनतबाट निर्मित अटल सुरुङ विश्वव्यापी मापदण्डमा खरो उत्रने इन्जिनियरिङको उत्कृष्ट उदाहरण भएको बताइन्। उनले यो प्रतिष्ठित पूर्वाधार परियोजना देशका सबैभन्दा चुनौतीपूर्ण भौगोलिक क्षेत्रमा पनि निर्बाध सम्पर्क सुनिश्चित गर्ने भारतको प्राविधिक क्षमता, दृढ़ संकल्प र प्रतिबद्धताको प्रमाण भएको बताइन्।

अटल सुरुङ रणनीतिक दृष्टिले अत्यन्त महत्त्वपूर्ण रहेको छ र यसको निर्माणपछि मनाली वर्षभरि लाहौल-स्पीति उपत्यकासँग जोड़िएको छ। ९.०२ किलोमिटर लामो यस सुरुङको उद्घाटन प्रधानमन्त्री नरेन्द्र मोदीले साल २०२० मा गरेका थिए।

राष्ट्रपतिको भ्रमणका क्रममा मनाली विधानसभा क्षेत्रका विधायक भुवनेश्वर गौड र लाहौल-स्पीतिकी विधायक अनुराधा राणा पनि विशेष रूपमा उपस्थित थिए।

हिन्दुस्थान समाचार / भवानी थामी