गान्तोक, 10 नोभेम्बर (हि.स.)। सिक्किमको साहसिक पर्यटन क्षेत्रमा अर्को महत्त्वपूर्ण उपलब्धि थप्दै खाङ्ग्री टुर्स, ट्रेक्स एन्ड एक्सपिडिसनले ८ नोभेम्बर, २०२६ मा प्रतिष्ठित ‘ग्रीन लेक ट्रेक’ सफलतापूर्वक सम्पन्न गरेको छ। यस उच्च हिमाली पदयात्रामा सात सदस्यीय रुसी पर्यटक टोली सहभागी बनेको थियो।

यस चुनौतीपूर्ण अभियान सफलतापूर्वक सम्पन्न गरेकोमा कम्पनीका प्रबन्ध निर्देशक छिरिङ दोर्जे लाचुङ्पाले सम्पूर्ण टोलीलाई हार्दिक बधाई दिँदै उनीहरूको समर्पण, सामूहिक प्रयास र उत्कृष्ट सहकार्यको प्रशंसा गरेका छन्।

अभियानमा आन्द्रेई फेडोरोविचले टोलीको जिम्मेवारी निर्वाह गरेका थिए भने शुमिरन राई पदयात्रा मार्गदर्शकका रूपमा सहभागी थिए। त्यसैगरी धुर्बा राई, साजन राई, नितेश राई तथा टेन्डुप शेर्पाले सहयोगी कर्मचारीका रूपमा योगदान दिएका थिए।

यस सफल अभियानले लाचेन र समग्र सिक्किमको पर्यटन क्षेत्रमा गौरवपूर्ण उपलब्धि थप्नुका साथै विश्वस्तरीय साहसिक पर्यटन गन्तव्यका रूपमा यस क्षेत्रको अपार सम्भावनालाई समेत उजागर गरेको बताइएको छ।

---------------

हिन्दुस्थान समाचार / बिशाल