राजौरी, 11 नोभेम्बर (हि.स.)। जम्मू-कश्मीरको सीमावर्ती जिल्ला राजौरीको इतिहासमा 11 नोभेम्बरको दिनलाई एउटा पीडादायी अध्यायको रूपमा दर्ता गरिएको छ जसलाई कहिल्यै भुल्न सकिँदैन होला। सन् 1947- मा यस दिन पाकिस्तानी जनजाति र आक्रमणकारीहरूले राजौरी क्षेत्रमा गम्भीर हिंसा एवं नरसंहार गरेका थिए।

यस आक्रमणमा ठूलो सङ्ख्यामा निर्दोष हिन्दू एवं सिख नागरिकहरूको ज्यान लिइएो थियो भने महिला अनि बाल-बालिकाहरू पनि क्रूरताको शिकार भएका थिए। यस त्रासदीमा ज्यान गुमाउनेहरूको सम्झनामा हरेक वर्ष नोभेम्बर 11- लाई राजौरीमा बलिदान दिवसका रूपमा मनाइन्छ।

यस क्रममा बुधवार राजौरीमा बलिदान दिवस श्रद्धा एवं सम्मानको साथमा मनाइयो। यस अवसरमा सर्वप्रथम बिहान बलिदान भवनमा हवनको आयोजना गरियो जसमा मानिसहरूले आहुति दिएर सन् 1947- को नरसंहारमा ज्यान गुमाउने निर्दोष नागरिकहरूको आत्मिक शान्तिका लागि प्रार्थना गरे।

हवनपछि शहीदहरूको सर्वोच्च बलिदानलाई स्मरण गर्दै श्रद्धाञ्जली अर्पण गरियो।

हवन उपरान्त उपस्थित जनताले त्यस भयानक इतिहासलाई स्मरण गर्दै यसलाई आउँदो पुस्तासम्म पुऱ्याउने वाचा गरे।

हिन्दुस्थान समाचार / उष्णता छेत्री शर्मा