गुवाहाटी, 12 नोभेम्बर (हि.स.)। असमका मुख्यमन्त्री डा. हिमन्त विश्व सरमाले बिहीवार प्रख्यात असमिया फिल्मकार, चित्रकार एवं कलाकार पुलक गोगोईलाई उनको पुण्यतिथिमा भावपूर्ण श्रद्धाञ्जली अर्पण गरे। । असमिया सिनेमा तथा चित्रकलाको क्षेत्रमा उनको उल्लेखनीय योगदानलाई स्मरण गर्दै उनले आफ्नो रचनात्मक प्रतिभाले राज्यको कला र सांस्कृतिक धरोहरलाई समृद्ध बनाएको बताए।

सामाजिक सञ्जालको एक सन्देशमा मुख्यमन्त्रीले भने, पुलक गोगोईले आफ्नो अद्वितीय रचनात्मकताबाट असमिया चलचित्र र चित्रकला जगतमा विशेष स्थान बनाएका थिए। आफ्नो चलचित्र एवं चित्रहरूका माध्यमबाट उनले असमको सामाजिक जीवन, आम जनताको भावना औ जीवनका विभिन्न पक्षहरूलाई अत्यन्त संवेदनशीलताको साथमा चित्रण गरे।

उनले भने, गोगोईको विशिष्ट कलात्मक दृष्टि अनि रचनात्मक योगदानलाई असमिया समाजले सधैँ सम्झिरहने छ। कलाकारका रूपमा उनको कला र धरोहरले आउँदो पुस्तालाई निरन्तर प्रेरणा दिनेछ।

पुलक गोगोईको 12 नोभेम्बर, 2022- मा 84 वर्षको उमेरमा निधन भएको थियो। उनले चलचित्र निर्देशन, चित्रकला तथा कार्टुन कलाको क्षेत्रमा आफ्नो विशिष्ट पहिचान बनाएका थिए।

हिन्दुस्थान समाचार / उष्णता छेत्री शर्मा