नैनीताल, १२ नोभेम्बर (हि.स.)। उत्तराखण्डको नैनीताल जिल्लास्थित कैंचीधाम नजिक निगलाट क्षेत्रमा गएराति एउटा कार अनियन्त्रित भई करिब २०० मिटर गहिरो खाल्डोमा खसेको छ। दुर्घटनामा कार चालकको मृत्यु भएको छ भने अन्य चार जना घाइते भएका छन्। कारमा सवार पाँचै जना उत्तर प्रदेशको बरेली निवासी रहेको बताइएको छ।

नैनीताल आपदा नियन्त्रण कक्षबाट सूचना प्राप्त भएपछि एसडीआरएफको खैरना चौकीबाट उपनिरीक्षक देवेन्द्र कुमारको नेतृत्वमा उद्धार टोली घटनास्थल पुगेको थियो। स्थानीय पुलिससँग समन्वय गरी उद्धार अभियान सञ्चालन गरिएको थियो। उद्धार टोलीले चार जना घाइतेलाई खाल्डोबाट बाहिर निकालेर एम्बुलेन्समार्फत भवाली सामुदायिक स्वास्थ्य केन्द्र (सीएचसी) पुर्‍याएको थियो।

हिन्दुस्थान समाचार / बिशाल