नयाँ दिल्ली, ०२ नोभेम्बर (हि.स.)। कांग्रेस नेता राहुल गान्धीले सोमवार प्रधानमन्त्री नरेन्द्र मोदीमाथि देशलाई भ्रमित पारेको आरोप लगाएका छन्। विपक्षीको आन्दोलनमा विदेशी शक्तिको हात रहेको बताउने प्रधानमन्त्री मोदीसँग आफू यस मुद्दामा बहस गर्न तयार रहेको उनले बताएका छन्।
राहुल गान्धीले प्रधानमन्त्रीको भाषणसँग सम्बन्धित एउटा समाचार साझा गरेका छन्। उनले प्रधानमन्त्रीलाई यस मुद्दामा झुट बोल्न बन्द गर्नुपर्ने बताएका छन्। राहुलले प्रधानमन्त्री मोदी स्वयं विदेशी सहयोगका कारण पदमा पुगेको आरोप लगाएका छन्। साथै, उनको पार्टीसँग सम्बन्धित वित्तीय प्रणाली विदेशबाट नियन्त्रित हुने गरेको पनि उनले आरोप लगाएका छन्।
राहुलले भने, “म तपाईलाई यस मुद्दामा खुला बहसको चुनौती दिन्छु। कुनै पनि मञ्चमा, जुनसुकै समयमा। हिम्मत छ भने आउनुहोस्। तपाई आउनुहुने छैन, किनकि म तपाईका बारेमा जे जान्दछु, त्यसबाट तपाई डराउनुहुन्छ।”
उल्लेखनीय छ, मोदीले शनिवार अफवाह फैलाउन र भारतको छवि धमिल्याउन सामाजिक सञ्जालको दुरुपयोग तीव्र रूपमा बढ़ीरहेको बताएका थिए। यसको सामना गर्नु प्रत्येक नागरिकको सामूहिक जिम्मेवारी भएको उनले बताएका थिए। दुर्गम क्षेत्रबाट नक्सलवाद समाप्त पारिएको भए पनि ‘वैचारिक नक्सलवाद’को खतरा अझै कायम रहेको उनले उल्लेख गरेका थिए। देशले यस्ता वैचारिक नक्सलवादीहरू विरुद्ध सतर्क रहनुपर्ने उनको भनाइ थियो।
हिन्दुस्थान समाचार / भवानी थामी
