इटानगर, ०4 नोभेम्बर (हि.स.)। अरुणाचल प्रदेश भारतीय जनता पार्टी (भाजपा) को लोवर सुबनसिरी जिल्ला एकाईले आज जीरोको हापोलीमा लोकतन्त्र बचाऔं, अराजकता हटाऔं पदयात्राको आयोजना गऱ्यो।
कार्यक्रममा भाजपा अरुणाचल प्रदेशका प्रभारी डा. देवेश कुमार, विधायक हेगे अप्पा, पुइन्यो अपुम, टोपिन एटे, पार्टी महासचिव तादार निगलार लगायत अन्य धेरै नेताहरू तथा पदाधिकारीहरू उपस्थित थिए।
सभालाई सम्बोधन गर्दै डा. कुमारले मतदाता सूचीको 'विशेष गहन पुनरीक्षण' (एसआईआर)- लाई लामो समयदेखिकै चलिहाएको संवैधानिक प्रक्रिया बताए जसको उद्देश्य पारदर्शी एवं त्रुटिमुक्त मतदाता सूची सिर्जना गर्नु हो। लोकतन्त्रलाई बलियो बनाउन यो प्रक्रिया निकै महत्वपूर्ण रहेको उनले बताए।
उनले जनतालाई लोकतन्त्र बचाऔं, अराजकता हटाऔं अभियानमा सक्रिय रूपमा भाग लिन र प्रधानमन्त्री नरेन्द्र मोदीको विकसित भारत -को सपनालाई साकार पार्न योगदान दिने अपील गरे।
पाडी युब्बे आउटडोर स्टेडियममा आयोजित कार्यक्रमलाई विधायक हेगे अप्पा, टोपिन एट र अन्य गण्यमान्य व्यक्तिहरूले पनि सम्बोधन गरेका थिए।
हिन्दुस्थान समाचार / उष्णता छेत्री शर्मा
04 Nov 2026
