नयाँ दिल्ली, ०४ नोभेम्बर (हि.स.)। प्रवर्तन निर्देशनालय (ईडी) ले केरल र चेन्नईका ११ स्थानमा छापा मारेर तलासी अभियान सञ्चालन गरिरहेको छ। भारत लजना मल्टी स्टेट को-अपरेटिभ सोसाइटी (बीएलएम) का संस्थापक सदस्य तथा वास्तविक रूपमा अध्यक्ष एवं प्रबन्ध निर्देशक (सीएमडी) को जिम्मेवारी सम्हालेका आर. प्रेमकुमार र अन्य व्यक्तिहरूसँग सम्बन्धित मामिलामा यो कारबाही गरिएको हो।
ईडीका अनुसार, प्रेमकुमारले आफ्नो प्रभावको दुरुपयोग गर्दै सर्वसाधारणले सहकारी संस्थामा जम्मा गरेको करोडौँ रुपियाँ आफ्नी पत्नी तथा आफन्तहरूको ब्यांक खातामा स्थानान्तरण गराएका थिए। उक्त रकम व्यक्तिगत प्रयोजनका लागि प्रयोग गरिएको आरोप छ।
जॉंच निकायका अनुसार, प्रेमकुमारले सहकारी संस्थाको रागम थिएटर ब्रियोस फिनभेस्टमा धितो राखेका थिए। तर, त्यसबापत प्राप्त रकम सहकारी संस्थाको खातामा जम्मा गरिएको थिएन। यसका अतिरिक्त, उनले काञ्चीपुरममा करिब ५०० ऐकर जमिन आफ्नी पत्नीको नाममा खरिद गरेको पनि आरोप लगाइएको छ।
हिन्दुस्थान समाचार / भवानी थामी
