जोधपुर, ०५ नोभेम्बर (हि.स.)। जोधपुर शहरको कायलाना रोड स्थित एक होटलपछाड़ी बसोबास गर्ने ड्राई फ्रुट व्यवसायीलाई फेसबुक मार्फत काजु पठाउने नाममा एक ठगले १ लाख ५४ हजार रुपियाँ ठगी गरेको छ। पीड़ितसँग अक्टोबर २८ तारिखमा उक्त घटना भएको थियो।

प्रतापनगर पुलिसले जीरो नम्बर एफआईआरका आधारमा ठगीको मुद्दा दर्ता गरेको छ।

प्रतापनगर पुलिसले बताए अनुसार, कायलाना रोड स्थित एक होटलपछाड़ी गणपति विहार विस्तारमा बस्ने व्यवसायी वैभव पुत्र इन्द्रमल राठीले यस सम्बन्धमा उजुरी दिएका छन्। उजुरीमा उल्लेख भए अनुसार अक्टोबर २८ तारिखमा उनी फेसबुक चलाइरहेका बेला एक ठगसँग सम्पर्क भएको थियो। ती व्यक्तिले काजु पठाउने नाममा शुरुमा नक्कली ट्रान्सपोर्ट एलआर बिल पठाएका थिए। विश्वास जितेपछि उनले रकम मागे।

उनको कुरामा विश्वास गरेर पीड़ितले बताएअनुसारको ब्यांक खातामा अनलाइन मार्फत १ लाख ५४ हजार रुपियाँ स्थानान्तरण गरे। तर, त्यसपछि ठगले आफ्नो मोबाइल फोन बन्द गरिदिए। आफू ठगीमा परेको थाहा पाएपछि पीड़ितले साइबर पोर्टलमा पनि उजुरी दिएका थिए। अहिले प्रतापनगर पुलिसले ठगीको मुद्दा दर्ता गरी अनुसन्धान शुरु गरेको छ।

हिन्दुस्थान समाचार / भवानी थामी