शिमला, ०८ नोभेम्बर (हि.स.)। शिमला जिल्लाको जुब्बल थाना क्षेत्र अन्तर्गत पुलिसले एक नेपाली युवकलाई ५०.१७ ग्राम हेरोइन सहित पक्राउ गरेको छ। पुलिसले आरोपी विरुद्ध लागुऔषध नियन्त्रण एक्ट (एनडीपीएस एक्ट) अन्तर्गत मुद्दा दर्ता गरी अनुसन्धान शुरु गरेको छ।आरोपीको पहिचान नेपाल निवासी प्रेम राहीका छोरा सञ्जु राही उर्फ माधव (२९) का रूपमा भएको छ। उनी नेपालका सेगाउँ गाउँ, इन्द्रपुर हुलाक कार्यालय क्षेत्रका निवासी हुन्।
पुलिस अनुसार, नोभेम्बर ६ तारिख राति लगभग १२ः३५ बजी रोहडू उपमण्डलको डिटेक्सन सेलमा कार्यरत हेड कन्स्टेबल विशाल नैण्टा आफ्नो टोलीसँग गस्तीमा थिए। यसै क्रममा हाटकोटी नजिकै गलुमा पुलिस टोलीले आरोपीको तलासी लिएको थियो। तलासीका क्रममा उनीदेखि ५०.१७ ग्राम हेरोइन जफत भएको थियो। उक्त बरामदगी एक स्वतन्त्र साक्षीको उपस्थितिमा गरिएको थियो। हेड कन्स्टेबल विशाल नैण्टाको लिखित उजुरीका आधारमा जुब्बल पुलिस थानामा मुद्दा दर्ता गरिएको छ।
पुलिसका एक अधिकारीले आइतवार दिएको जानकारी अनुसार, यस घटनाको थप अनुसन्धान एएसआई प्यार सिंहलाई सुम्पिएको छ। उनी सरस्वती नगर पुलिस चौकीका प्रभारी हुन्।
हिन्दुस्थान समाचार / भवानी थामी
