गान्तोक, 14 फरवरी (हि.स.)। मुख्यमन्त्री प्रेमसिंह तामाङ आज कालेबुङमा पिरान्हास एथलेटिक क्लबको सहकार्यमा आयोजना गरिएको आरपीएसएस क्रिकेट प्रतियोगिता २०२६ मा सहभागी बने। उनले प्रतियोगिताका सबै सहभागी टोलीहरूलाई आगामी दिनहरूमा निरन्तर सफलता र अविस्मरणीय प्रदर्शनका लागि शुभकामना दिएका छन्।
मुख्यमन्त्री तामाङले आज सामाजिक सञ्जाल फेसबुक पोस्टमा कालेबुङमा पिरान्हास एथलेटिक क्लबको सहकार्यमा आयोजना गरिएको आरपीएसएस क्रिकेट प्रतियोगिता २०२६ मा सहभागी बन्न पाएकोमा खुशी व्यक्त गरेका छन्।
उनले उद्घाटन खेलमा नेपाल महिला टोलीमाथि उत्कृष्ट जित हासिल गरेको सिक्किम महिला टोलीलाई हार्दिक बधाई दिएका छन्। उनले खेलाडीहरूको दृढ़ता, टिमवर्क र प्रशंसनीय प्रदर्शनले प्रतियोगितालाई रोमाञ्चक शुरुवात दिएको उल्लेख गरेका छन्।
यसैगरी, मुख्यमन्त्रीले प्रदर्शनी खेलमा जीटीए एकादश विरुद्ध प्रभावशाली जितका लागि मुख्यमन्त्री एकादशलाई पनि हार्दिक बधाई दिएका छन्। उनले खेल वास्तवमा रोमाञ्चक रहेको र उत्कृष्ट खेलभावना तथा स्वस्थ प्रतिस्पर्धाको भावना झल्किएको बताएका छन्।
मुख्यमन्त्री तामाङले सबै सहभागी टोलीहरूलाई आगामी दिनहरूमा निरन्तर सफलता र अविस्मरणीय प्रदर्शनका लागि शुभकामना व्यक्त गरेका छन्। यस प्रतियोगिताले आपसी सद्भाव सुदृढ़ गर्दै युवा प्रतिभालाई प्रोत्साहन गर्ने तथा युवापुस्तामा क्रिकेटप्रतिको प्रेम अझ गहिरो बनाउने उनले विश्वास व्यक्त गरेका छन्।
---------------
हिन्दुस्थान समाचार / बिशाल
