नयाँ दिल्ली, 15 फरवरी (हि.स.)। देशमा चालू वित्त वर्ष 2025-26 को पहिलो 10 महिनामा देशमा बिजुली उत्पादन क्षमतामा रेकर्ड वृद्धि भएको छ। बिजुली उत्पादन 11 प्रतिशतभन्दा बढ़ीले बढ़ेको छ, जुन यस वित्त वर्षमा अहिलेसम्मकै सबैभन्दा ठूलो वृद्धि हो। 52,537 मेगावाटको वृद्धिसँगै देशको कूल बिजुली उत्पादन 5,20,510.95 मेगावाट पुगेको छ।

केन्द्रिय विद्युत मन्त्रालय अनुसार, यस वर्ष 31 जनवरीसम्म थपिएको कूल क्षमतामध्ये 39,657 मेगावाट नवीकरणीय ऊर्जाबाट आएको छ। यसमा 34,955 मेगावाट सौर्य ऊर्जा र 4,613 मेगावाट पवन ऊर्जा समावेश छ। मन्त्रालयले यो एकै वर्षमा सबैभन्दा ठूलो क्षमता वृद्धि भएको बताएको छ। यसअघि 2024-25 मा 34,054 मेगावाट क्षमता थपिएको थियो।

देशको कूल स्थापित क्षमतामध्ये 2,48,541.62 मेगावाट जीवाश्म इन्धनमाथि आधारित छ, जबकि 2,71,969.33 मेगावाट गैर-जीवाश्म स्रोतहरूबाट छ। गैर-जीवाश्म स्रोतहरूमा 8,780 मेगावाट आणविक ऊर्जा समावेश छ, जबकि 2,63,189.33 मेगावाट नवीकरणीय ऊर्जाबाट छ।

हिन्दुस्थान समाचार / भवानी थामी