गान्तोक, 15 फरवरी (हि.स.)। मुख्यमन्त्री प्रेमसिंह तामाङ आज तिमी नामफिङ निर्वाचन क्षेत्रको रुकुमटारमा आयोजित 12औं शेर्पा ग्याल्पो लोसार एवं इको-भिलेज टुरिज्म 2026 मा सहभागी बने। यस उत्सवले शेर्पा समुदायको समृद्ध सांस्कृतिक सम्पदालाई सुन्दर ढङ्गले प्रतिबिम्बित गरेको र इको-भिलेज पर्यटनको महत्त्वलाई उजागर गरेको उनले उल्लेख गरेका छन्।

मुख्यमन्त्रीले आज सामाजिक सञ्जाल फेसबुक पोस्टमा यस कार्यक्रमलाई सांस्कृतिक गौरव र दिगो विकासको प्रतीक बनाएकोमा आयोजक र समुदायका सदस्यहरूको प्रशंसा गरेका छन्। उनले आफ्नो सम्बोधनमा क्रममा दिगो एवं समावेशी विकास सुनिश्चित गर्दै यस क्षेत्रलाई एउटा पर्यटन गन्तव्यको रूपमा विकास गर्न सामूहिक प्रयासको लागि आह्वान गरे।

मुख्यमन्त्रीले जीविकोपार्जन र पूर्वाधार सुधार गर्ने उद्देश्यले सरकारले विभिन्न विकास योजनाहरू र पहलहरू मार्फत यस निर्वाचन क्षेत्रलाई निरन्तर समर्थन गरिरहेको बताए। उनले यी निरन्तर प्रयासहरूकै परिणामस्वरूप यस क्षेत्रले निरन्तर प्रगति देखेको बताउॅंदै पर्यटनलाई अझ सुदृढ़ पार्न, स्थानीय समुदायहरूलाई सशक्त बनाउन र जनताको समग्र विकास सुनिश्चित गर्न सरकारको प्रतिबद्धता पुन: पुष्टि गरे।

हिन्दुस्थान समाचार / बिशाल