नयाँ दिल्ली, 16 फरवरी (हि.स.)। जवाहरलाल नेहरू विश्वविद्यालय छात्रसंघ (जेएनयूएसयू)- ले विश्वविद्यालय अनुदान आयोग (यूजीसी)- को परामर्शलाई लागू गर्ने तथा विद्यार्थीहरूको निष्कासन आदेशलाई रद्द गर्ने जस्ता मुद्दाहरूमा विश्वविद्यालय परिसरमा गए आइतवार राती चेताउनी ऱ्याली निकालेर विरोध प्रदर्शन गऱ्यो।

प्रदर्शन गरिरहेका विद्यार्थीहरूले आफ्नो हातमा ठूलो पोस्टर समातेका थिए जसमा चेताउनी ऱ्याली लेखिएको थियो। यसको साथै विद्यार्थीहरूले नाराबाजी पनि गरे।

उल्लेखनीय छ, विश्वविद्यालय प्रशासनले हालैमा सबैभन्दा कड़ा अनुशासनात्मक कारबाही गर्दै जेएनयूएसयू अध्यक्ष अदिति मिश्रा, उपाध्यक्ष गोपिका के. बाबू, महासचिव सुनिल यादव औ संयुक्त सचिव दानिश अलीलाई दुई वटा सेमेस्टरको लागि निष्कासित गरिदिएको थियो। पूर्व अध्यक्ष नीतीश कुमारमाथि पनि कारबाही गरिएको छ। प्रशासनको आरोप छ, 21 नोभेम्बर, 2025-मा डा. बीआर अम्बेडकर केन्द्रिय पुस्तकालयमा बनाइएको फेस रिकग्निशन आधारित एक्सेस गेट्सलाई नोक्सान पुऱ्याइएको थियो। यी गेट्सको स्थापना लगभग 20 लाख रुपियाँको लागतमा गरिएको थियो।

विश्वविद्यालय प्रशासनले नीतीश कुमारमाथि 20,000 रुपियाँको जरीमाना पनि लगाएको छ भने सबै सम्बन्धित विद्यार्थीहरूलाई तत्काल प्रभावदेखि सम्पूर्ण परिसरदेखि बाहिर घोषित गरिदिएको छ। छात्रसंघले यसै कारबाहीको निन्दा गर्दै भन्यो, यो कदम यूजीसीको प्रमोशन अफ इक्विटी रेगुलेशन,2026-को निलम्बनविरूद्ध प्रस्तावित विरोधपूर्व विद्यार्थीहरूको आवाजलाई दबाउने चेष्टा हो।

हिन्दुस्थान समाचार / उष्णता छेत्री शर्मा