नयाँ दिल्ली, 16 फरवरी (हि.स.)। प्रधानमन्त्री नरेन्द्र मोदीले १७ फरवरीमा मुम्बईमा फ्रान्सका राष्ट्रपति इम्यानुएल म्याक्रोंसँग भेट गर्नेछन्। दुवै नेताले भारत-फ्रान्स रणनीतिक साझेदारीको समीक्षा गर्नेछन्। साथै क्षेत्रीय र वैश्विक विषयहरूमा छलफल गर्ने कार्यक्रम रहेको छ। यससँगै भारत-फ्रान्स नवप्रवर्तन वर्ष २०२६ को उद्घाटन पनि गरिनेछ।
प्रधानमन्त्री कार्यालयका अनुसार, राष्ट्रपति म्याक्रों १७ देखि १९ फरवरीसम्म भारतको औपचारिक भ्रमणमा रहनेछन्। उनी एआई इम्प्याक्ट समिटमा पनि सहभागी हुनेछन्। मुम्बईमा प्रधानमन्त्रीसँग द्विपक्षीय शिखर वार्ता हुनेछ। १७ फरवरी दिउँसो हुने उक्त बैठकमा दुई देशबीचको सहकार्यलाई अझ सुदृढ़ बनाउने विषयमा छलफल गरिनेछ। नयाँ तथा उदाउँदै गरेका क्षेत्रहरूमा साझेदारी विस्तार गर्ने विषयमा पनि कुराकानी हुनेछ।
साँझ प्रधानमन्त्री मोदी र राष्ट्रपति म्याक्रोंले भारत-फ्रान्स नवप्रवर्तन वर्ष २०२६ को संयुक्त रूपमा उद्घाटन गर्नेछन्। उक्त कार्यक्रममा दुवै देशका उद्योग जगत, स्टार्टअप, शोधकर्ता तथा नवोन्मेषकहरूको उपस्थिति रहनेछ। दुवै नेताले सो अवसरमा सम्बोधन पनि गर्नेछन्।
---------------
हिन्दुस्थान समाचार / भवानी थामी
