नयाँ दिल्ली, १६ फरवरी (हि.स.)।
प्रधानमन्त्री नरेन्द्र मोदीले इन्डिया एआई इम्प्याक्ट समिटलाई युवाशक्ति र प्रविधिगत प्रगतिको प्रतीकका रूपमा वर्णन गरेका छन्। उनले विश्वभरका नेता, विशेषज्ञ तथा नवप्रवर्तनकर्ताहरू भारत आइरहेका छन् भन्दै यसलाई देशका लागि गर्वको विषय बताएका छन्।
प्रधानमन्त्रीले ‘एक्स’ मा लेख्दै यो समिटले भारतका युवाहरूको क्षमता प्रदर्शन गर्ने बताएका छन्। यसले भारत विज्ञान र प्रविधिको क्षेत्रमा तीव्र गतिमा अघि बढिरहेको प्रमाणित गर्ने पनि उनले उल्लेख गरेका छन्। साथै, भारतले विश्वव्यापी विकासमा महत्वपूर्ण भूमिका खेलिरहेको उनले बताएका छन्।
प्रधानमन्त्रीले भारत प्रविधि र नवप्रवर्तनको क्षेत्रमा निरन्तर नयाँ पहिचान बनाइरहेको बताए। देशको भविष्य निर्माणमा युवाहरूको भूमिका अत्यन्त महत्वपूर्ण रहेको पनि उनले जोड दिएका छन्।
यस अवसरमा प्रधानमन्त्रीले एउटा संस्कृत सुभाषित पनि साझा गरेका छन्,
“दाने तपसि शौचं च विज्ञानं विनये नये।
विस्मयो न हि कर्तव्यो बहुरत्ना वसुन्धरा।। ”
यस सुभाषितको अर्थ हो, पृथ्वी अनेक रत्नहरूले भरिएको छ। त्यसैले ज्ञान, तपस्या, पवित्रता, विनय र नीति जस्ता गुणहरूमा आश्चर्य गर्नु हुँदैन।
---------------
हिन्दुस्थान समाचार / भवानी थामी
