नयाँ दिल्ली, 16 फरवरी (हि.स.)। प्रधानमन्त्री नरेन्द्र मोदीले यहाँ आयोजित एआई इम्प्याक्ट समिटमा विश्वभरबाट सहभागी हुन आएका नेता, उद्योग जगतका प्रतिनिधि तथा विशेषज्ञहरूलाई स्वागत गरेका छन्। उनले १४० करोड़ जनताको शक्तिका आधारमा भारत एआई परिवर्तनमा विश्वका अग्रणी राष्ट्रहरूमध्ये उभिएको बताएका छन्।

प्रधानमन्त्रीले ‘एक्स’ मा लेख्दै समिटको विषय “सर्वजन हिताय, सर्वजन सुखाय” रहेको उल्लेख गरेका छन्। यसको उद्देश्य एआईको प्रयोग सबैको कल्याण र विकासका लागि गर्नु रहेको उनले बताएका छन्। एआईले स्वास्थ्य, शिक्षा, कृषि, शासन र उद्योगजस्ता धेरै क्षेत्रहरूमा परिवर्तन ल्याइरहेको पनि उनले उल्लेख गरेका छन्। यो समिटले एआईको जिम्मेवार प्रयोग, नवप्रवर्तन र सहकार्यबारे विश्वव्यापी छलफललाई सुदृढ़ बनाउने विश्वास व्यक्त गरेका छन्।

प्रधानमन्त्रीले डिजिटल सार्वजनिक पूर्वाधार, सशक्त स्टार्टअप इकोसिस्टम र आधुनिक शोधका कारण भारतले एआई क्षेत्रमा उल्लेखनीय प्रगति गरेको बताए। भारत प्रविधिको क्षेत्रमा तीव्र गतिमा अघि बढिरहेको उल्लेख गर्दै उनले समिटका निष्कर्षहरूले भविष्यलाई अझ आधुनिक, नवप्रवर्तनमा आधारित र अवसरले भरिपूर्ण बनाउन सहयोग पुग्ने विश्वास व्यक्त गरेका छन्।

---------------

हिन्दुस्थान समाचार / भवानी थामी