नयाँ दिल्ली, 17 फरवरी (हि.स.)। विश्व पुस्तक मेला 2027 को निम्ति स्टल र खाली ठाउँको बुकिङको निम्ति अनलाइन पञ्जीकरण लिंक 16 फरवरीदेखि एक्टिवेट भएको छ, जुन 31 मार्चसम्म खुल्ला रहनेछ।
राष्ट्रिय पुस्तक न्यास (एनबीटी) अनुसार, विश्व पुस्तक मेला 16 देखि 24 जनवरी 2027 सम्म भारत मण्डपम, दिल्लीको हल 2-6 मा आयोजना हुनेछ। यो मेला केन्द्रिय शिक्षा मन्त्रालयको अगुवाइमा एनबीटीले आयोजना गरेको हो। भारत व्यापार संवर्धन संगठन यसको सह-आयोजक र स्थल साझेदार हो।
मेलाको 54औँ संस्करणमा थीम पेवेलियन, चिल्ड्रन्स पेवेलियन, अथर्स कर्नर, अन्तरराष्ट्रिय इवेन्ट्स कर्नर, सांस्कृतिक प्रोग्राम र फेस्टिवल अफ फेस्टिवल्स जस्ता विशेष कार्यक्रम हुनेछन्। बी2बी संलग्नता र राइट्स एक्सचेञ्जलाई बढ़ावा दिन मेलाका साथै सीईओ स्पीक, इन्टरनेशनल पब्लिशिङ कन्फ्रेन्स र नयाँ दिल्ली राइट्स टेबल पनि आयोजित गरिनेछ।
उल्लेख्य, विश्व पुस्तक मेला विगत पाँच दशकदेखि प्रकाशनको संसारमा एक प्रमुख क्यालेन्डर इवेन्ट रहिआएको छ। भारत संसारको सबैभन्दा ठूलो प्रकाशन देशहरूमध्ये एक हो। एनडीडब्ल्यूबीएफले एग्ज़िबिटर्स व्यापार अवसरहरू अन्वेषण गर्न, पुस्तकहरूको प्रचार गर्न र सह-प्रकाशन र अधिकारहरूमाथि वार्ता गर्नको लागि उत्कृष्ट प्लेटफर्म प्रदान गर्दछ।
हिन्दुस्थान समाचार / भवानी थामी
