कोलकाता, 18 फरवरी (हि. स.)। दिलीप घोषले बुधवार दक्षिण 24 परगना जिल्लाको राजराजेश्वरपुर गाउँबाट संगठनात्मक सक्रियताको स्पष्ट राजनीतिक सन्देश दिए। बूथ सशक्तिकरण एवं जन सम्पर्क अभियानमा सोझै भाग लिँदै उनले घर-घरमा सम्पर्क गरेर कार्यकर्ताहरू तथा स्थानीय नागरिकहरूसित सम्वाद गरे। यसलाई आगामी चुनावी रणनीति अन्तर्गत भाजपाको जनाधार बलियो बनाउने पहल मानिँदैछ।

पश्चिम बंगालको राजनीतिमा घोषलाई अहिलेघरि अत्यन्त सक्रिय भूमिकामा देखिँदैछ। लगातार विभिन्न जिल्लाहरूको दौड़ाह गरी बूथ स्तरमा संगठन सुदृढ़ीकरणमाथि बल दिरहेका छन्। राजराजेश्वरपुरमा पनि उनले स्पष्ट पारे, राजनीतिक परिवर्तनको आधार बूथ स्तरमै राखिन्छ अनि प्रत्येक कार्यकर्ताले आ-आफ्नो क्षेत्रमा संगठनलाई विस्तार गर्नुपर्छ।

अभियान अवधि घोषले केन्द्र सरकारका योजनाहरूको उल्लेख गर्दै प्रधानमन्त्री नरेन्द्र मोदीको नेतृत्वलाई राज्यको विकासको लागि आवश्यक बताए। उनले भने, केन्द्रका जनकल्याणकारी योजनाहरूको लाभ अन्तिम व्यक्तिसम्म पुऱ्याउनु नै भाजपाको उद्देश्य हो।

राजनीतिक विश्लेषकहरूको मान्यता छ, घोषको लगातार जिल्लागत सक्रियता भाजपाको दीर्घकालिक चुनावी रणनीतीको एक भाग हो। बूथ सशक्तिकरण अभियानको माध्यमबाट उनले संगठनलाई धार मात्र दिरहेका छैनन् जबकि वर्तमान राजनीतिक परिस्थितिमा भाजपालाई एक सशक्त विकल्पको रूपमा प्रस्तुत गर्ने चेष्टा पनि गरिरहेका छन्।

हिन्दुस्थान समाचार / उष्णता छेत्री शर्मा