मुम्बई, १८ फरवरी (हिस)। अभिनेता सलमान खानका बुबा वरिष्ठ पटकथा लेखक सलीम खानलाई मुम्बईको लीलावती अस्पतालमा भर्ना गरिएको छ। डाक्टरहरूले ९० वर्षीय वृद्धको अवस्था हाल स्थिर रहेको, तर उनलाई भेन्टिलेटर सपोर्टमा राखिएकाे बताएका छन्।
रिपोर्ट अनुसार, उनको रक्तचाप अचानक बढ्यो, जसले गर्दा उनको मस्तिष्कको दाहिने भागमा आन्तरिक रक्तस्राव भयो। अस्पतालको स्वास्थ्य बुलेटिनमा विशेषज्ञहरूको टोलीले उनको उपचार गरिरहेको उल्लेख छ। डा. जलिल पार्करले जानकारी दिए, न्यूरोलोजिस्ट, डा. विनय चव्हाण, कार्डियोलोजिस्ट डा. अजित मेनन, न्यूरोसर्जन डा. नितिन डांगे र डा. बिनित अहलुवालियाको टोली उनको उपचारमा संलग्न छ।
उनको शल्यक्रिया 18 फरवरीमा हुने बताइएको छ। यसैबीच, सलमान खान र सम्पूर्ण खान परिवार अस्पतालमा उपस्थित छन्। परिवारका सदस्यहरू र नजिकका साथीहरू पनि उनको स्वास्थ्यको बारेमा सोधपुछ गर्न आएका छन्। सबैले सलीम खानको शीघ्र स्वास्थ्यलाभको कामना गरे। खान परिवारबाट अहिलेसम्म कुनै आधिकारिक वक्तव्य जारी गरिएको छैन।
हिन्दुस्थान समाचार / भवानी थामी
