नयाँ दिल्ली, 19 फरवरी (हि.स.)। एआईलाई समावेशी, विकासमुखी र विश्वव्यापी रूपमा सान्दर्भिक बनाउने उद्देश्यले बिहीवार भारत एआई शिखर सम्मेलनको क्रममा नयाँ दिल्ली फ्रन्टियर एआई इम्प्याक्ट प्रतिबद्धताहरू घोषणा गरियो।

केन्द्रिय रेलवे, सूचना एवं प्रसारण, इलेक्ट्रोनिक्स र सूचना प्रौद्योगिकी (आईटी) मन्त्री अश्विनी वैष्णवले आज दिल्लीको भारत मण्डपममा चलिरहेको इन्डिया एआई इम्प्याक्ट समिट-2026 को क्रममा देशहरू र प्रमुख टेक कम्पनीहरूका शीर्ष अधिकारीहरूको अगाड़ी यो घोषणा गरे।

यो प्रतिबद्धता साझा गर्दै प्रधानमन्त्री मोदी कार्यक्रममा गुगल र अल्फाबेटका सीईओ सुन्दर पिचाई, ओपनएआईका सीईओ सैम अल्टम्यान, मेटाका प्रमुख एआई अधिकारी अलेक्ज्याण्डर वाङ र एन्थ्रोपिकका सीईओ डारियो अमोदेई लगायत विश्वव्यापी तकनीकी जगतका दिग्गजहरूसँग सामेल भए।

अश्विनी वैष्णवले भने, भारतको एआई इम्प्याक्ट समिटको सफलता नयाँ दिल्ली फ्रन्टियर्स एआई इम्प्याक्ट प्रतिबद्धताहरू द्वारा प्रमाणित छ। यी पहलहरू दुई प्रमुख लक्ष्यहरूमाथि केन्द्रित छन्: पहिलो, डेटा मार्फत रोजगारी र आर्थिक रूपान्तरणको लागि प्रमाण-आधारित नीतिहरू विकास गर्ने र दोस्रोः एआई प्रणालीहरूलाई बहुभाषिक र सांस्कृतिक रूपमा बलियो बनाउने। यो पहलले एआईलाई समावेशी र सान्दर्भिक बनाउन भारतको नेतृत्वलाई प्रदर्शन गर्दछ विशेषगरी ग्लोबल साउथको लागि।

उल्लेख्य, मन्त्रीले शिखर सम्मेलनको तेस्रो दिन (बुधवार) भारतको एआई शासन दृष्टिकोणको अनावरण गरे। यस अवधि शिखर सम्मेलनका कार्य समूहहरूको प्रमुख लक्ष्यहरू छलफल गरियो, जसले विश्वव्यापी एआई प्राथमिकताहरूमा सहयोगी कार्यको लागि मंच तयार गऱ्यो। उनले जिम्मेवार नवाचारको लागि भारतको दृष्टिकोणलाई विश्वव्यापी एआई यात्राको लागि मार्गदर्शक बताए।

यस अवधि उनले भनेका थिए, हामी अगाड़ी बढ्दै जाँदा र यस शिखर सम्मेलनको व्यापक एजेन्डालाई आकार दिँदा सात विषयगत कार्य समूहहरूको निष्कर्ष महत्त्वपूर्ण हुनेछ। यी परिणामहरूले रोडम्यापको लागि मार्गदर्शकको रूपमा काम गर्नेछन् र सहयोग, नवाचार र एक जिम्मेवार एआई इकोसिस्टमको निर्माणको लागि दिशा पनि तय गर्नेछन्।

सूचना प्रविधि सचिव एस कृष्णनले भने, एआईप्रति हाम्रो दृष्टिकोण 'सतर्क उत्साह' छ। हामी यसका जोखिम र नियमहरूप्रति सचेत छौं। हामी 'ग्लोबल साउथ' सहित सबै देशहरूको आवाजलाई सशक्त बनाउने समावेशी शासन ढाँचा निर्माण गर्न जोखिम व्यवस्थापन र विश्वव्यापी मापदण्डहरूलाई प्राथमिकता दिइरहेका छौं।

सात विषयगत चक्रहरूले विश्वव्यापी विशेषज्ञता र साझा दृष्टिकोणलाई कार्ययोग्य ढाँचामा अनुवाद गर्ने भारतको प्रयासलाई प्रतिबिम्बित गर्दछ। यसमा मानव पूँजी, सामाजिक सशक्तिकरण, सुरक्षित र भरपर्दो एआई नवाचार तथा दक्षता विज्ञान, एआई स्रोतहरूको लोकतान्त्रिकीकरण र आर्थिक विकास एवं सामाजिक कल्याण समावेश छन्।

यी कार्य समूहहरूले एआईको भविष्यको लागि रोडम्याप विकास गर्न सरकार, उद्योग, शिक्षा जगत र नागरिक समाजका विज्ञहरूलाई एकसाथ ल्याएका छन्। महिनौंको परामर्शपछि यी लक्ष्यहरू अब कार्यान्वयन गर्न तयार छन्।

हिन्दुस्थान समाचार / भवानी थामी