जलपाइगढ़ी, 19 फरवरी (हि.स.)। टिस्टा नदीको किनारमा गाईवस्तु लिन गएकी एक विवाहित महिलासित भएको बलात्कारको घटनाले क्षेत्रमा सनसनी मच्चाएको छ। बिहीवार कोतवाली पुलिस थानामा लिखित उजुरी दर्ता गरिएको छ। घटनापछि मुख्य अभियुक्त भागेको बताइएको छ।

सूत्रहरू अनुसार, जलपाइगढ़ी सदर ब्लकको नन्दनपुर ग्राम पञ्चायत अन्तर्गत प्रधानपाड़ा गाउँकी निवासी महिला बुधवार साँझ टिस्टा नदी चर क्षेत्रमा गाईवस्तु लिन गएकी थिइन्। सोही अवधि छिमेकका एक युवकले एकान्त स्थानको फाइदा उठाउँदै बलजफ्ती बलात्कार गरेको आरोप छ।

घटनाको खबर फैलिएपछि क्षेत्रमा तनाव सिर्जना भयो। बिहीवार परिवारले कोतवाली थानामा उजुरी दर्ता गरायो, जसको आधारमा पुलिसले अनुसन्धान शुरु गरेको छ। गए राति आरोपी युवककी आमालाई सोधपुछको लागि थानामा ल्याइएको थियो। यद्यपि, मुख्य अभियुक्त फरार छ। पुलिसले अभियुक्तको खोजी गर्न छापा मारिरहेको छ।

हिन्दुस्थान समाचार / भवानी थामी