नयाँ दिल्ली, 20 फरवरी (हि.स.)। दिल्लीको भारत मण्डपममा चलिरहेको इन्डिया एआई इम्प्याक्ट समिट को क्रममा भारतीय युवा कांग्रेसका कार्यकर्ताहरूले शुक्रवार केन्द्र सरकार विरुद्ध विरोध प्रदर्शन गरे। उनीहरूले आफ्नो टि-शर्ट हटाएर प्रधानमन्त्री नरेन्द्र मोदी विरुद्ध नारा लगाए। हाल कांग्रेसका कार्यकर्ताहरूलाई हिरासतमा लिइएको छ।

घटनालाई लिएर अतिरिक्त पुलिस आयुक्त देवेश कुमार महलाले भने, यो घटना आज दिउँसो 12.30 बजीतिर भएको हो। यी व्यक्तिहरूले क्यूआर कोड मार्फत आवेदन दिए र त्यसपछि भित्र पसे। उनीहरूले स्वेटर र ज्याकेट लगाएका थिए। पछि उनीहरूले आफ्नो स्वेटर र ज्याकेट फुकालेर हल नम्बर 5 को लबी क्षेत्रमा विरोध प्रदर्शन गर्न थाले।

उनले भने, हामीले केही व्यक्तिहरूलाई हिरासतमा लिएका छौं र अरूको पहिचान गरिरहेका छौं। यी सबै भारतीय युवा कांग्रेसका सदस्य हुन्। यिनीहरूमध्ये बिहारका कृष्णा (35) छन्, जो भारतीय युवा कांग्रेसका राष्ट्रिय सचिव हुन्। बिहारका कुन्दन यादव (33) राज्य सचिव; उत्तर प्रदेशका अजय कुमार अजय- राज्य उपाध्यक्ष; र राष्ट्रिय संयोजक तेलंगानाको महबूबनगरका नरसिंह यादव सामेल छन्।

महलाले यिनीहरू विरुद्ध कानूनी कारबाही गरिने बताए।

हिन्दुस्थान समाचार / भवानी थामी