खड़गपुर, 20 फरवरी (हि.स.)। होली पर्वमा यात्रीहरूको अतिरिक्त भीड़लाई ध्यानमा राख्द दक्षिण-पूर्व रेलवेले सन्तरागाछी तथा दरभंगाबीच विशेष ट्रेनहरू संचालन गर्ने घोषणा गरेको छ। यी होली स्पेशल ट्रेनहरूलाई आगामी मार्च महिनामा निर्धारित तिथिहरूमा संचालन गरिनेछ जसबाट पूर्वी भारत एवं बिहारका यात्रीहरूलाई धेर सुविधा हुनेछ।

गए बिहीवार राती दक्षिण-पूर्व रेलवेद्वारा प्रेस विज्ञप्ति जारी गरी जानकारी साझा गरियो, ट्रेन संख्या 08109 सन्तरागाछी-दरभंगा होली स्पेशल प्रत्येक मंगलवार आगामी 3 मार्च, 2026-देखि 31 मार्च, 2026 सम्म संचालन हुनेछ। यो ट्रेन सन्तरागाछी जंक्शन रेलवे स्टेशनदेखि बिहान 07:30 बजे प्रस्थान गरेर सोही दिन साँझ 19:05 बजे दरभंगा जंक्शन रेलवे स्टेशनमा पुग्नेछ। यसरी नै फर्किँद ट्रेन संख्या 08110 दरभंगा-सन्तरागाछी होली स्पेशल प्रत्येक मंगलवार आगामी 3 मार्चदेखि 31 मार्च, 2026 सम्म संचालन हुनेछ जुन दरभंगादेखि राती 21:00 बजे प्रस्थान भएर भोलि बिहान 09:45 बजे सन्तरागाछीमा पुग्नेछ।

यी विशेष ट्रेनहरू मार्गमा डानकुनी, बर्द्धमान, दुर्गापुर, आसनसोल, चित्तरञ्जन, मधुपुर, जसीडीह, झाझा, किऊल, बरौनी तथा समस्तीपुर स्टेशनहरूमा रोकिनेछन्। रेलवे अधिकारीहरूले बताए, होली पर्वमा यात्रीहरूको बढ़्दो भीड़लाई मध्यनजर गर्दै विशेष ट्रेनहरूको संचालनलाई जारी राखिनेछ ताकि यात्रीहरूलाई सहज अनि सुरक्षित यात्राको सुविधा उपलब्ध गराउन सकियोस्।

हिन्दुस्थान समाचार / उष्णता छेत्री शर्मा