गुवाहाटी, 21 फरवरी (हि.स.)। केन्द्रिय गृहमन्त्री अमित शाहले शनिवार गुवाहाटीको सरुसजाई स्थित अर्जुन भोगेश्वर बरूवा खेलकुद परिसरमा आयोजित केन्द्रिय सशस्त्र पुलिस बल (सीआरपीएफ) को 87औं स्थापना दिवस समारोहमा भाग लिए। प्रमुख अतिथिको रूपमा शाहले परेडको निरीक्षण गरे र सलामी लिए।
सीआरपीएफले शनिवार गुवाहाटीको सरुसजाई स्थित अर्जुन भोगेश्वर बरुवा खेलकुद परिसरमा एक विशेष भव्य कार्यक्रमको आयोजना गर्योी। सीआरपीएफ स्थापना दिवस कार्यक्रमलाई सम्बोधन गर्दै शाहले बलको कार्यहरूको प्रशंसा गरे।
यस अवसरमा सीआरपीएफका ब्यान्ड सहित केही आकर्षक कार्यशैली आदि पनि प्रस्तुत गरियो। सीआरपीएफले विभिन्न अपरेशनहरूमा प्रयोग गर्ने विभिन्न अत्याधुनिक सशस्त्र सवारी साधनहरू पनि प्रदर्शन गरियो।
अमित शाहको दुई दिने असम भ्रमणको आज दोस्रो दिन हो। यस कार्यक्रमपछि केन्द्रिय गृहमन्त्री गुवाहाटीको सोनापुर स्थित कचुतली जानेछन्, जहाँ उहाँले 10औं असम पुलिस बटालियनको मुख्यालयको शिलान्यास गर्नेछन्। यस अवसरमा मुख्यमन्त्री डा. हिमन्त बिस्व सरमा र सीआरपीएफ महानिदेशक जीपी सिंह उपस्थित थिए।
सीआरपीएफले 86 वर्षदेखि आफ्नो उत्कृष्ट प्रदर्शन, बहादुरी, धैर्य, वीरता र बलिदानका साथ देशको आन्तरिक सुरक्षालाई बलियो बनाउँदै आएको छ। म सर्वोच्च बलिदान दिने 2270 जवानहरूलाई श्रद्धाञ्जली अर्पण गर्न यो कार्यक्रममा उपस्थित भएको हुँ। उनीहरूको बलिदानको भावनाले देशलाई बचाउने र सुरक्षित गर्ने कार्य भएको छ।
केन्द्रिय गृहमन्त्री अमित शाहले भने, देशमा तीन ठूला हट स्पट थिए। जम्मू कश्मीर, माओवादी र उत्तरपूर्वी क्षेत्रहरू विगतमा बम विस्फोटहरू हुनेगर्थे, जसलाई सीआरपीएफले रोकेको छ र देशमा शान्ति र सुरक्षा पुनर्स्थापित गरेको छ। यी तीन क्षेत्रहरू विशेषगरी उत्तरपूर्वी क्षेत्रलाई शान्त पार्न 700 सीआरपीएफ कर्मीहरू, जम्मू कश्मीरमा 540 र देशका अन्य हिस्साहरूमा बलले आफ्नो सर्वोच्च बलिदान दिएको छ। केवल असममै 79 जना कर्मीहरूले सर्वोच्च बलिदान दिएका छन्। उनले यस अवसरमा अन्य धेरै टिप्पणीहरू गरे।
हिन्दुस्थान समाचार / भवानी थामी
