नयाँ दिल्ली, 21 फरवरी (हि.स.)। राजधानीमा नशाविरूद्ध अभियानलाई नयाँ दिशा दिँदै दिल्ली पुलिसको एन्टी नारकोटिक्स टास्क फोर्सको आधिकारिक लोगो, वेबसाइट तथा न्यूज़लेटर लन्च गरियो। गए शुक्रवार कनट प्लेसको इनर सर्कलस्थित दिल्ली पुलिसको प्रदर्शनी हलमा आयोजित उद्घाटन सारोहमा दिल्लीका उपराज्यपाल विनय कुमार सक्सेनाले यसको औपचारिक शुभारम्भ गरे।

कार्यक्रममा दिल्ली पुलिस आयुक्त सतीश गोलचा, विशेष आयुक्त (क्राइम) देवेश चन्द्र श्रीवास्तव, अन्य वरिष्ठ अधिकारीगण, पुलिसकर्मी औ गण्यमान्य नागरिकहरू उपस्थित थिए। यस पहललाई नशा विरोधी संघर्षमा एक महत्वपूर्ण तथा रणनीतिक कदम बताइएको छ।

शनिवार पुलिस मुख्यालयबाट प्राप्त जानकारी अनुसार दिल्ली पुलिसद्वारा जारी एन्टी नारकोटिक्स टास्क फोर्सको नयाँ लोगो सतर्कता, इमानदारी एवं मादक पदार्थविरूद्ध अडिग संकल्पको प्रतीक हो। मानिसहरूमा नशाको नेटवर्कविरूद्ध सशक्त तथा समन्वित कारबाहीको सन्देश निहित छ। अधिकारीहरू अनुसार यो प्रतीक एउटा चिन्ह मात्र होइन जबकि नशामुक्त समाज निर्माणको दिशामा मिशन आधारित कार्यप्रणालीको प्रतिनिधित्व पनि गर्दछ।

वेबसाइटले अपराध नियन्त्रणमा थप बल प्रदान गर्नेछ -

एन्टी नारकोटिक्स टास्क फोर्सको आधिकारिक वेबसाइट https://antf.delhipolice.gov.in लाई एक समर्पित डिजीटल प्लेटफर्मको रूपमा विकसित गरिएको छ। पुलिस अनुसार यो पोर्टलले पारदर्शिता बढ़ाउने, जनसम्पर्कलाई मजबुत बनाउने औ नागरिक सहभागितालाई प्रोत्साहित गर्नमा महत्वपूर्ण भूमिका निर्वाह गर्नेछ।

हिन्दुस्थान समाचार / उष्णता छेत्री शर्मा