गेजिङ, 21 फरवरी (हि.स.)। पश्चिम सिक्किमको टाशीदिङ गुम्बामा आयोजना हुने वार्षिक पवित्र भुमचु महोत्सवलाई लिएर आज पहिलो तयारी बैठक जिल्ला प्रशासनिक केन्द्र, गेजिङको सम्मेलन हलमा सम्पन्न भयो। गेजिङका जिल्लापाल तेन्जिङ डी. डेन्जोङ्पाले अध्यक्षता गरेको बैठकमा जिल्ला पञ्चायत सदस्य बीरेन्द्र गुरुङ, मुख्य चिकित्सा अधिकारी नामगे भोटिया, सडक तथा पुल विभागका अधिकारीहरू, विभिन्न सरकारी विभागका अधिकारीहरू र गुम्बा समितिका प्रतिनिधिहरूको उपस्थिति रहेको थियो।

बैठकमा महोत्सवलाई सुव्यवस्थित रूपमा सम्पन्न गर्न विभिन्न विभाग र आयोजक समितिलाई विशेष जिम्मेवारीहरू सुम्पिएको छ। श्रद्धालुहरूको सुरक्षा र भीड नियन्त्रणका लागि पर्याप्त पुलिस बल परिचालन गर्ने र ट्राफिक व्यवस्थापनलाई चुस्त बनाउने निर्णय गरिएको छ। यसैगरी, महोत्सव परिसरमा प्लास्टिकका सामानहरूको प्रयोग र बिक्रीमा पूर्ण प्रतिबन्ध लगाइएको छ भने 'शून्य फोहोर' नीति अपनाउन दोकान सञ्चालकहरूलाई सचेत गराइनेछ।

यस अतिरिक्त, बैठकमा खानेपानी, बिजुली, टेन्ट र सरसफाइको उचित व्यवस्था गर्न सडक, पीएचई र विद्युत विभागलाई निर्देशन दिइएको छ। यसरी नै महोत्सवको समयमा र पछि पनि सरसफाई कायम राख्न एक विस्तृत फोहोर व्यवस्थापन योजनामाथि छलफल गरियो।

हिन्दुस्थान समाचार / बिशाल