झाड़ग्राम, 21 फ़रवरी (हि.स.)। समाजको मुख्यधारामा अंग विकृत मानिसहरूलाई पुनः सामेल गराउनको लागि नयाँग्राम सुपर स्पेशियलिटी अस्पतालले विशेष अपरेशन अभियान शुरू गरेको छ। यस पहलको नेतृत्व अस्पतालका वरिष्ठ चिकित्सक देवाशिष महातले गरिरहेका छन्।

जानकारी अनुसार केही रोगीहरूको हात वा खुट्टा प्रभावित भएको छ जसबाट उनीहरू सामाजिक जीवनमा पछाड़िन्छन्। अधिकांश रोगीहरू कुष्ठ रोगद्वारा पीड़ित रहेका छन् जसले गर्दा उनीहरूको अंगमा विकृति आएको छ। तथापि शारीरिक रूपमा उनीहरू स्वस्थ भए पनि अंगहरूको विकृतिले उनीहरूलाई समाजमा पछाड़िन बाध्य बनाउँछ।

गए शुक्रवार 13 जना यस्ता रोगीहरूका लागि रिकंस्ट्रक्टिभ सर्जरीको व्यवस्था गरियो। यस अपरेशनमा 10 जना विश़ेषज्ञ डाक्टरहरूको टीमले भाग लियो जसको नेतृत्व आर. एन. भट्टचार्यले गरिरहेका थिए। अपरेशनपछि रोगीहरूले लगभग एक महिना अस्पतालमा बसेर पूर्ण रूपमा उपचार प्राप्त गर्नेछन्।

शुक्रवार अबेर साँझ अस्पताल प्रशासनले यो पनि जानकारी गरायो, सफल अपरेशनपछि रोगीहरूलाई रोजगार शुरू गर्नका लागि 12 हजार रुपियाँ प्रदान गरिनेछ। यो पहल राज्य सरकारको सहयोगमा समाजमा अंग विकृत मानिसहरूलाई मुख्यधारामा ल्याउने एक महत्वपूर्ण प्रयास हो।

हिन्दुस्थान समाचार / उष्णता छेत्री शर्मा