मालदा, 21 फरवरी (नि.सं)। राष्ट्रिय राजमार्ग- 31 मा भएको एक भीषण सड़क दुर्घटनामा न्यूनतम 20 जना यात्रुहरू घाइते भएका छन्। यो दुर्घटना जिल्लाको रतुआ-2 ब्लकको मुगरा क्षेत्रमा शनिवार बिहान लगभग साढ़े सात बजे भएको हो। घटनापछि क्षेत्रमा कोकोहोलो मचियो।

स्थानीय सूत्र अनुसार समसी तर्फ गइरहेको एक यात्रु बसले मगुरा बस स्ट्याण्डमा यात्रुहरूलाई चढ़ाइरहेको थियो। यसै अवधि गाजोल तर्फबाट आइरहेको सीमेन्ट लादिएको द्रूत गतिको ट्रकले नियन्त्रण गुमाएर बसको पछाड़ि भयानक ठक्कर दियो जसले गर्दा बस सड़क किनारको नाली तर्फ झुक्यो।

तत्कालै स्थानीय मानिसहरूले घटनास्थलमा पुगेर राहत अनि बचाउ कार्य शुरू गरे। प्रत्यक्षदर्शीहरू अनुसार बसको पछिल्लो भागमा बसेका यात्रीहरूलाई सबैभन्दा गम्भीर चोट लागेको छ। ट्रक चालक पनि घाइते भएको छ।

घाइतेहरूलाई तुरून्तै गाजोल ग्रामीण अस्पतालमा लगियो। गम्भीर रूपमा घाइते केही यात्रीहरूलाई उन्नत उपचारको निम्ति मालदा मेडिकल कलेज एवं अस्पतालमा रेफर गरिएको छ।

सूचना पाउनसाथ पुखुरिया थानाको पुलिसले घटनास्थलमा पुगेर दुर्घटनाग्रस्त ट्रकलाई जफत गऱ्यो। पुलिसले दुर्घटनाको कारण पत्तो लगाउन जाँच गरिरहेको छ। प्रारम्भिक आशंकामा कुहिरो र यान्त्रिक खराबीको कारणले यो दुर्घटना भएको हुनसक्छ।

हिन्दुस्थान समाचार / उष्णता छेत्री शर्मा