मीरजापुर, 21 फरवरी (हि.स.)। कछवा थाना क्षेत्रमा भएको एक नाबालिग बालिकासित भएको सामूहिक बलात्कारको घटनामा द्रुत गतिमा कारबाही गर्दै पुलिसले शनिवार दुई जना अभियुक्तलाई पक्राउ गरेको छ। दुवैलाई अदालतमा पेश गरी जेल पठाइएको छ।
पीड़ित परिवारले लिखित उजुरी पेश गरी कछवा पुलिस थानामा नाम उल्लेख गरिएका अभियुक्त विरुद्ध मुद्दा दायर गरेको थियो। उजुरीको आधारमा सम्बन्धित धारा अन्तर्गत मुद्दा दर्ता गरी अनुसन्धान शुरु गरियो।
घटनालाई गम्भीरतापूर्वक लिँदै पुलिस अधीक्षक अपर्णा रजत कौशिकले क्षेत्राधिकारी सदरको नेतृत्वमा आरोपीलाई तुरुन्तै पक्राउ गर्न निर्देश दिएका थिए। निर्देशको पालना गर्दै प्रभारी निरीक्षक अमरजीत चौहान मय पुलिस टोलीले सूचनाको आधारमा शनिवार विदापुर निवासी सन्तोष गौड़का छोरा शिव गौड़ उर्फ कल्लु र राम सेवक सहनीका छोरा करण सहनीलाई पक्राउ गरेको छ।
पुलिसले दुवै अभियुक्तहरू विरुद्ध कानूनी कारबाही पूरा गरी अदालतमा पेश गर्योे, जहाँबाट उनीहरूलाई जेल पठाइयो। यस विषयमा अनुसन्धान जारी छ।
हिन्दुस्थान समाचार / भवानी थामी
