कोलकाता, 21 फरवरी (हि.स.)। पश्चिम बंगालमा अहिलेघरि मौसमले दुई भिन्न रूप लिएको छ। बिहानको तापमान 20 डिग्री सेल्सियसभन्दा कम दर्ता गरिँदैछ भने रातको पारा 30 डिग्री सेल्सियसभन्दा माथि पुगिरहेको छ। यस उतार-चढ़ाउले आम मानिसहरूको दिनचर्या प्रभावित भएको छ। मौसम विभाग अनुसार आगामी मार्च महिनादेखि तापमान अझ बढ़्ने आशंका छ।

यता बंगालको खाड़ीमा विकसित निम्न दबावको प्रभावले आगामी 23 र 24 फरवरीको दिन पूर्व मेदिनीपुरको ओडिशा सीमावर्ती क्षेत्र तथा झाड़ग्रामका केही भागहरूमा सामान्य वर्षा हुनसक्छ। ओडिशा र यस संलग्न तटीय जिल्लाहरूमा वर्षा हुने सम्भावना अपेक्षाकृत अधिक रहेको बताइएको छ। दक्षिण बंगालका केही जिल्लाहरूमा अहिलेघरि आकाश आंशिक रूपमा बादलले ढाक्ने सम्भावना छ।

मौसम पूर्वानुमान मुताविक दक्षिण बंगालका जिल्लाहरूमा आगामी दुई-तीन दिनमा तापमान लगभग 3 डिग्री सेल्सियस बढ़्नसक्छ। अधिकतम तथा न्यूनतम दुवै तापमान बढ़्नसक्छ। आइतवार कोलकाताको न्यूनतम तापमान 21 डिग्री सेल्सियस वरपर पुग्ने सम्भावना छ भने आगामी बुधवारसम्ममा अधिकतम तापमान 33-34 डिग्री सेल्सियससम्म पुग्नसक्छ। त्यसैले यस वर्ष होली पर्व तातोत मौसमबीच मनाउने सम्भावना छ।

शनिवार कोलकाताको न्यूनतम तापमान 19.5 डिग्री सेल्सियस दर्ता गरियो। गए शुक्रवार अधिकतम तापमान 31.6 डिग्री सेल्सियस रह्यो जुन सामान्यभन्दा 1.1 डिग्री अधिक हो। शनिवार हावामा अधिकतम आद्रता 82 प्रतिशत औ न्यूनतम 40 प्रतिशत दर्ता गरियो।

उत्तर बंगालका सबै जिल्लाहरूमा ह ल्कादेखि मध्यम कुहिरो लाग्ने सम्भावना व्यक्त गरिएको छ। मौसम विभागको भनाइ छ, आगामी दिनमा तापमानमा क्रमिक वृद्धि जारी रहनसक्छ।

हिन्दुस्थान समाचार / उष्णता छेत्री शर्मा