पूर्व मेदिनीपुर, 22 फरवरी (हि. स.)। जिल्लाको नन्दीग्राममा आइतवार प्रधानमन्त्री नरेन्द्र मोदीको रेडियो कार्यक्रम मन की बात- को 131औं एपिसोड 72 वटा स्थानहरूमा सामूहिक प्रसारण गरियोष बिरूलियामा आयोजित कार्यक्रममा पश्चिम बंगाल विधानसभामा नेता प्रतिपक्ष शुभेन्दु अधिकारीले भाजपा महिला मोर्चाका कार्यकर्ताहरू अनि मातृशक्तिसित बसेर कार्यक्रमलाई सुने अनि पछि पत्रकारहरूसित बातचित गर्दै विभिन्न समसामयिक मुद्दाहरूमाथि आफ्नो प्रतिक्रिया व्यक्त गरे।

प्रधानमन्त्रीले आफ्नो सम्बोधनमा हालैमा देशमा आयोजित पाँच दिवसीय एआई इम्प्याक्ट समिट- 2026 को सफलताको सराहना गर्दै भने, यस आयोजनमा अनेकौं वैश्विक प्रौद्योगिकी, स्टार्ट-अप तथा निवेशक संस्थाहरूको सहभागिताबाट भारतमा डिजीटल बुनियादी ढाँचा सशक्त भइरहेको छ तथा डेटा सेन्टर निर्माणको क्षेत्रमा पनि नयाँ अवसरहरू खोलिरहेको छ।

उनले संस्कृति, कृषि, उद्योग औ स्वास्थ्य जस्ता विषयहरूमा पनि विस्तारपूर्वक आफ्नो विचार साझा गर्दै जनसहभागी आधारित अभियानहरूलाई अगाड़ि बढ़ाउने आह्वान गरे। कार्यक्रममा प्रधानमन्त्रीले देशवासीहरूसित अंगदान जस्तो महत्वपूर् सामाजिक कार्यहरूमा अगाड़ि बढ़्ने अपील गरे साथै आगामी होली (दोल) पर्वको अवसरमा स्थानीय उत्पादहरूको खरिदलाई प्रोत्साहित गर्ने सन्देश दिँदै अग्रिम शुभकामना दिए।

कार्यक्रम समाप्त भएपछि शुभेन्दु अधिकारीले मतदाता सूची संशोधनलाई लिएर आफ्नो प्रतिक्रिया व्यक्त गर्द भने, न्यायालयको निर्देशानुसार प्रत्येक जिल्लामा तीन सदस्यीय समिति गठन गरिएको छ। उनले सम्भावना व्यक्त गरे, आगामी 28 फरवरीमा मतदाता सूची प्रकाशित हुनसक्छ र संदिग्ध मानिएका मतदाताहरूलाई पूरक सूचीमा राखिन सक्छ। अधिकारी अनुसार मतदाताको रूपमा नाम दर्ता गराउनको लागि डोमिसाइल प्रमाण पत्र, भारतीय नागरिकताको प्रमाण तथा 18 वर्ष आयुको प्रमाण आवश्यक छ।

सुप्रीम कोर्टको भूमिकामाथि टिप्पणी गर्दै नेता प्रतिपक्षले अनुप्रवेशको मुद्दामा कड़ाई गर्ने कुरा गरे अनि दाबी गरे, न्यायालयको निर्देशपछि प्रक्रिया अधिक कड़ा भएको छ। राज्यको राजनीतिक स्थितिमाथि बोल्दै उनले भने, वर्ष 2021- मा नन्दीग्रामका मतदाताहरूले जुन सन्देश दिए, सोही दिशामा यदि सारा राज्य अग्रसर भए विकासको गति तीव्र हुनेछ, महिलाहरूविरूद्ध अपराध कम हुनेछ साथै युवाहरूलाई रोजगारको लागि अन्य राज्यहरूमा जाने आवश्यकता पर्नेछैन।

हिन्दुस्थान समाचार / उष्णता छेत्री शर्मा