काबुल/इस्लामाबाद, 22 फरवरी (हि.स.)। पाकिस्तानले आइतबार बिहान अफगानिस्तानमा धेरै आतङ्कवादी लुक्ने ठाउँहरूलाई लक्षित गरी हवाई आक्रमण गरेको दाबी गरेको छ। अर्कातिर, अफगानिस्तानले पाकिस्तानमाथि देशका धेरै भागहरूमा बिना उक्साहट बम बर्साएर सर्वसाधारणलाई निशाना बनाएको आरोप लगाएको छ।

पाकिस्तानको दुनिया न्यूज च्यानलको रिपोर्ट अनुसार, सूचना मन्त्रालयले शनिबार मध्यरातमा एक विज्ञप्ति जारी गर्दै पाकिस्तानले अफगानिस्तानमा सात आतङ्कवादी शिविरहरूलाई लक्षित गरेको बताएको छ। मन्त्रालयका अनुसार, इस्लामाबाद, बाजौर र बन्नुमा भएका आक्रमणहरूमा अफगानी आतङ्ककारीहरू संलग्न थिए।

यसअघि, अफगान मिडियाले पक्तिया र नंगरहार प्रान्तमा आतङ्कवादी लुक्ने ठाउँहरूमा विस्फोट सुनिएको रिपोर्ट गरेको थियो। पक्तियाको नंगरहार र मुर्गा बजारमा भएका विस्फोटहरूले आतङ्कवादी पूर्वाधारलाई पूर्ण रूपमा ध्वस्त पारेको थियो। पाकिस्तानी युद्धक विमानहरूले विभिन्न क्षेत्रहरूमा हवाई आक्रमण गरे। हताहतको कुनै जानकारी अघि आएको छैन। नंगरहारको खोगयानी, खेल र बेहसुद जिल्लाहरूमा आक्रमण भयो, जहॉं आतङ्कवादी लुक्ने ठाउँहरू नष्ट गरियो।

द अफगानिस्तान टाइम्सका अनुसार, पूर्वी अफगानिस्तानमा पाकिस्तानी हवाई आक्रमणमा एकै परिवारका २३ सदस्य भग्नावशेषमा पुरिएका थिए। तीमध्ये चार जनालाई सुरक्षित रूपमा उद्धार गरिएको छ भने बाँकी अझै बेपत्ता छन्। शनिबार मध्यराततिर आक्रमण भएको थियो। पाकिस्तानले नंगरहार प्रान्तका तीन र पक्तिका प्रान्तका दुई जिल्लालाई निशाना बनाएको छ। आक्रमणको भाइरल भिडियोमा नंगरहार प्रान्तको एक प्रभावित परिवारका एक सदस्यले भग्नावशेषमा आफन्तहरूलाई खोजिरहेको देखाइएको छ।

परिवारका एक सदस्यले भने, 'हाम्रो परिवारका 23 सदस्य भग्नावशेषमा पुरिएका छन्। हामीमध्ये चार जना अहिलेसम्म बाहिर निस्कन सफल भएका छौं। बाँकी अझै बेपत्ता छन्। हामीले दिनभरि हाम्रो खेतमा काम गऱ्यौं। हामीले साँझ रोजा तोड्यायौं। हामीले हाम्री काकीसँग कुरा गऱ्यौं। आक्रमण हुँदा हामी सबै सुतिरहेका थियौं।'

तालिबानले पक्तिकाको बरमल र उरगन जिल्ला र नंगरहारको बेहसुद, खोगयानी र गनी खेल जिल्लाको अवस्थाको बारेमा अहिलेसम्म कुनै टिप्पणी गरेको छैन। यसैबीच, पाकिस्तानको सूचना तथा प्रसारण मन्त्रालयले एक विज्ञप्तिमा भनेको छ, यी आक्रमणहरू पाकिस्तानमा हालै भएका आत्मघाती आक्रमणहरूको प्रतिक्रिया थिए।

हिन्दुस्थान समाचार / भवानी थामी