हैलाकान्दी, 23 फरवरी (हि.स.)। असममा जारी लागूऔषध विरोधी अभियान अन्तर्गत हैलाकान्दी पुलिसले सोमवार ठूलो सफलता हासिल गर्दै लगभग 5 करोड़ रुपियाँ बराबरको याबा ट्याब्लेट जफत गरेको छ र दुई कथित तस्करहरूलाई पक्राउ गरेको छ।
विशेष सूचनाको आधारमा कारबाही गर्दै पुलिस टोलीले जिल्लाको बोअलगढ़ फर्स्ट ब्लक क्षेत्रमा विशेष अभियान सञ्चालन गऱ्य़ो। अपरेशनको क्रममा एमजेड-01आर-6434 नम्बरको एक संदिग्ध महिन्द्रा टीयूवी वाहनलाई रोकियो।
वाहनको गहन खोजी गर्दा पुलिसले प्रतिबन्धित लागूऔषध पदार्थ लुकाउने विशेष रूपमा डिजाइन गरिएको गोप्य कोठा पत्तो लगायो। यस गोप्य कोठाबाट पुलिसले 12 छुट्टाछुट्टै प्याकेटमा प्याक गरिएको कूल 1.21 लाख याबा ट्याब्लेट जफत गरेको छ।
सूत्रहरू अनुसार, जफत गरिएको लागूऔषध ट्याब्लेटको अनुमानित बजार मूल्य लगभग 5 करोड़ रुपियाँ मापिएको छ। यो यस वर्ष जिल्लामा भएको सबैभन्दा ठूलो बरामदमध्ये एक मानिन्छ। यस घटनामा पुलिसले घटनास्थलबाट दुई जना व्यक्ति, मिस मार्ची पिल्लई र थोङजगिन हाओकिपलाई पक्राउ गरेको छ। दुवै जना हाल पुलिस हिरासतमा छन् र सोधपुछ भइरहेको छ। यो कन्साइनमेन्ट ठूलो अन्तरराज्यिय वा अन्तरराष्ट्रिय तस्करी नेटवर्कसँग जोड़िएको छ कि छैन भनेर पनि अनुसन्धान भइरहेको छ।
हिन्दुस्थान समाचार / भवानी थामी