नोएडा, 23 फरवरी (हि.स.)। नोएडाको थाना सेक्टर 39 क्षेत्रको सेक्टर 43 मा निर्माणाधीन सोसाइटीमा काम गर्ने क्रममा 28 मर्षीया महिला 18औं तलाबाट तल झरिन्। उनलाई उपचारको लागि नोएडाको एक निजी अस्पतालमा भर्ती गरिएको थियो, जहाँ उनको मृत्यु भयो। पुलिसले शवलाई आफ्नो कब्जामा लिएर पोस्टमार्टमको लागि पठाएको छ।

थाना सेक्टर 39 थाना प्रभारी डीपी शुक्लाले भने, रंजितकी पत्नी सुखी सोरेन सेक्टर 43 मा निर्माणाधीन सोसाइटीमा काम गरिरहेकी थिइन्। उनी सोमवार काम गर्ने क्रममा 18औं तलाबाट झरिन्। उनलाई गम्भीर अवस्थामा उपचारको लागि नोएडाको भारद्वाज अस्पतालमा भर्ती गरिएको थियो, जहाँ उपचारको क्रममा उनको मृत्यु भयो। उनले घटनाको जानकारी पाएपछि पुलिस घटनास्थलमा पुगेको र शवलाई आफ्नो कब्जामा लिएर पोस्टमार्टमको लागि पठाएको बताए। थाना प्रभारीले मृतकको परिवारले उजुरी दिएमा पुलिसले रिपोर्ट दर्ता गर्नेछ र घटनाको अनुसन्धान गर्नेछ भनी बताए।

हिन्दुस्थान समाचार / भवानी थामी