झाड़ग्राम, 26 फरवरी (हि.स.)। पश्चिम बंगालको झाड़ग्रामस्थित मुख्य डाकघरलाई बिहीवार एक धम्कीपूर्ण ई-मेल प्राप्त भयो। अज्ञात मानिसहरूद्वारा पठाइएको उक्त ईमेलमा डाकघरलाई बमले उड़ाउने चेताउनी दिइएको छ जसले गर्दा त्यहाँंका कर्मचारीहरू र स्थानीय मानिसहरूमाझ भय व्याप्त भएको छ।

धम्की दिइएको तुरून्तैपछि प्रशासन सक्रिय भयो अनि होशियारीको रूपमा सम्पूर्ण डाकघर परिसरलाई खाली गराइयो। झाड़ग्राम थानाको पुलिस तथा जिल्ला पुलिस बलले क्षेत्रलाई घेरेर कड़ा सुरक्षा व्यवस्था लागू गरिदियो। आम मानिसहरूको प्रवेशमाथि अस्थायी रोक लगाइएको छ।

खबर पाएर घटनास्थलमा पुगेको बम निरोधक दलले डाकघर परिसरको गहन जाँच गऱ्यो। संदिग्ध वस्तु वा विस्फोटकहरू रहेको आशंकालाई ध्यानमा राखेर हरेक कुना-काप्चाको जाँच गरियो।

पुलिसले बतायो, डाकघरको आधिकारिक मेलमा यो धम्की किन पठाइयो र यसको पछाड़ि को लुकेको छ, यसको पत्तो लगाउनको लागि जाँच शुरू गरिएको छ। ई-मेल के आईपी एड्रेसलाई ट्र्याक गरेर आरोपीहरूको पहिचान गर्ने प्रयास गरिँदैछ। हाल यस घटनाको कारणले डाकघरको सामान्य कामकाज केही समयसम्मको लागि प्रभावित भएको छ।

हिन्दुस्थान समाचार / उष्णता छेत्री शर्मा