सोनादा, 26 फरवरी (हि.स.)। सोनादा ट्राफिक पुलिसको तत्वावधानमा आज सोनादा डिग्री कलेजमा ट्राफिक सचेतना कार्यक्रमको आयोजना गरियो। कार्यक्रममा एन्टी ड्रग्स र ट्राफिक सचेतना विषयमा कलेजका विद्यार्थीहरूलाई सचेत गराइयो।

कार्यक्रममा सोनादा ट्राफिक पुलिसका प्रभारी सबीन दर्नाल, प्रीमुस भोटिया, सोनादा डिग्री कलेजका प्राचार्य डा. योगेस खाती, प्राध्यापक प्राध्यापिकाहरु, सिभिक भोलेन्टियर र विद्यार्थीहरु उपस्थित रहेका थिए।

कार्यक्रममा सोनादा ट्राफिक पुलिसको तर्फबाट तयार पारिएको सचेतनामूलक वृत्तचित्र फिल्म प्रदर्शन गरिएको थियो। उल्लेखनीय छ, सोनादा ट्राफिक पुलिसले योभन्दा पहिला पनि सोनादा क्षेत्रका कलेज र स्कूलहरूमा ट्राफिक सचेतना विषयमा कार्यक्रम आयोजना गर्दै आइरहेको छ।

हिन्दुस्थान समाचार / हनोक