गान्तोक, 27 फरवरी (हि.स.)। गान्तोकका अतिरिक्त जिल्ला मजिस्ट्रेट सिसुम वाङचुक भोटिया, गान्तोकका एसडीपीओ मिङ्युर टेम्पो नादिक र विभिन्न लाइन विभागका अधिकारीहरुको एक टोलीले आज देवराली बजारमा संयुक्त जाँच गर्यो। जाँचको उद्देश्य जन साधारणलाई सुरक्षित खाना, नियमित व्यापारिक अभ्यास र सुरक्षित वातावरण प्रदान गर्ने, कामदारहरूको अधिकारको संरक्षण तथा वैधानिक प्रावधानहरूको पालना सुनिश्चित गर्नु थियो। जाँचमा पेट्रोल पम्प, रेस्टुरेन्टहरू र फास्ट फूड आउटलेटहरू सहित विभिन्न व्यापारिक एकाइहरू समेटिएका थिए।

यस क्रममा सिगरेट र अन्य सूर्तीजन्य उत्पाद ऐन, २००३ का प्रावधानहरूको पालना जाँचिएको थियो। जाँचमि विशेष रूपमा सूर्तीजन्य उत्पादनहरूको निषेध विज्ञापन, वैधानिक स्वास्थ्य चेताउनीहरूको प्रदर्शन, नाबालिगहरूलाई बिक्रीमा प्रतिबन्ध, शैक्षिक संस्थाहरूबाट १०० यार्डभित्र बिक्री निषेध र सूचित सार्वजनिक स्थलहरूमा धूम्रपान नियमनमा केन्द्रित थियो। व्यापारिक इ

एकाइहरूमा कानुनी मेट्रोलोजी ऐन, २००९ र प्याकेज्ड कमोडिटी नियमावली, २०११ का सम्बन्धित प्रावधानहरूको पनि जाँच गरियो। जाँचमा तौल र मापन उपकरणहरूको शुद्धता र स्ट्याम्पिङ, मात्रा र मूल्यको उचित प्रदर्शन, प्याकेज्ड कमोडिटीहरूमा नेट तौल, उत्पादन मिति र अधिकतम खुद्रा मूल्य घोषणा, तथा अनुचित व्यापारिक अभ्यास रोक्न मापदण्डहरूको पालना पनि जाँचियो।

जाँचका क्रममा अधिकारीहरूले व्यवस्थापक तथा व्यवसाय मालिकहरूसँग कर्मचारी सङ्ख्या, तलब संरचना, कामको समय, छुट्टीको व्यवस्था, बीमा कभरेज र अग्नि सुरक्षा उपायहरूबारे अन्तरक्रिया गरे। व्यापारिक एकाइहरूलाई श्रम कानुन, अग्नि सुरक्षा मापदण्डहरू र अन्य वैधानिक आवश्यकताहरूको कडाइका साथ पालना गर्न तथा सबै आवश्यक कागजातहरू अद्यावधिक राख्न सल्लाह दिइयो।

हिन्दुस्थान समाचार / बिशाल