मुम्बई, 27 फरवरी (हि.स.)। भारतीय जनता पार्टी (भाजपा)- का प्रदेश प्रवक्ता नवनाथ बनले शुक्रवार शिवसेना यूबीटीको मराठी भाषा प्रेमलाई मात्र देखावटी रहेको बताए। उनले भने, राज्य सरकारले मराठी भाषाको लागि ठोस काम गरिरहेको छ।
भाजपा प्रवक्ता नवनाथ बनले शुक्रवार मुम्बईस्थित भाजपा प्रदेश कार्यालयमा पत्रकारहरूलाई बताए, वास्तवमा मुख्यमन्त्री देवेन्द्र फडणवीसका प्रयासहरू तथा प्रधानमन्त्री नरेन्द्र मोदीको नेतृत्वको कारणले नै मराठी भाषालाई सम्मान अनि अभिजात भाषाको दर्जा प्राप्त भएको छ। त्रिभाषा सूत्रमा कतै पनि मराठी भाषालाई बेवास्ता गरिएको छैन। पहिलो कक्षादेखि हिन्दीको अनिवार्यतालाई हटाएर महाराष्ट्रमा मराठीलाई अनिवार्य गरियो।
उनले भने, हिन्दीलाई वैकल्पिक भाषाको रूपमा मान्यता दिने निर्णय मुख्यमन्त्री देवेन्द्र फडणवीसले नै लिएका हुन्। उनको नेतृत्वमा पहिलो पटक मराठी भाषाको लागि विश्वविद्यालय स्थापना भयो जबकि शिवसेनाले मराठी भाषा गौरव दिवसमा मात्र मराठी भाषाको ‘जय-जयकार’ गरेको छ, यस अतिरिक्त मराठीको लागि केही गरेको छैन। बनले यो पनि भने, शिवसेना यूबीटीले मराठा भाषाको लागि गरेको काम मीडियालाई बताउनुपर्छ।
हिन्दुस्थान समाचार / उष्णता छेत्री शर्मा