सोरेङ, 28 फरवरी (हि.स.)। रिन्चेनपोङ कर्मचारी कल्याण संघले आज २०२२-२५ अवधिका रिन्चेनपोङ क्षेत्र अन्तर्गत सबै कर्मचारीहरूलाई सम्मान गर्दै भव्य सम्मान कार्यक्रम आयोजना गऱ्यो। कार्यक्रममा क्षेत्र विधायक इरुङ तेन्जिङ लेप्चा मुख्य अतिथि थिए।
आफ्नो सम्बोधनमा विधायक लेप्चाले सबै कर्मचारीहरूलाई समर्पण र इमानदारीका साथ काम गर्न आग्रह गरे। उनले सेवानिवृत्त कर्मचारीहरूलाई उनीहरूको सेवा अवधिमा समाजमा अमूल्य योगदान पुर्याएकोमा हार्दिक कृतज्ञता व्यक्त गरे।
कार्यक्रममा कुल ५२ सेवानिवृत्त कर्मचारीहरूलाई उनीहरूको समर्पित सेवाका लागि सम्मानित गरियो। यसैगरी, उत्कृष्ट कर्मचारी पुरस्कार सफाई कर्मचारी डम्बर कुमार गुरुङलाई प्रदान गरियो। सेवानिवृत्त एडीसी सोरेङ सन्तोष कुमार अलेले कर्मचारीहरूसँग आफ्ना बहुमूल्य विचार र सुझाउहरू साझा गर्दै उनीहरूलाई निरन्तर उत्कृष्टतातर्फ प्रोत्साहित गरे।
उल्लास पहल अन्तर्गत रिन्चेनपोङ निर्वाचन क्षेत्रलाई १०० प्रतिशत साक्षर निर्वाचन क्षेत्र घोषित गरिएको छ। स्वयं सेवी शिक्षकहरूको अथक प्रयासका कारण साक्षरता अभियानले १५ देखि ७८ वर्ष उमेर समूहहरूलाई समेटेको बताइएको छ। कार्यक्रमको अतिथिहरूका बाहुलीद्वारा प्रमाणपत्र वितरण गरिएको थियो।
हिन्दुस्थान समाचार / बिशाल
