चेन्नई, 10 मार्च (हि.स.)। पश्चिम एशियामा जारी तनावले खाना पकाउने ग्यासको आपूर्तिमा असर पारेको छ, जसले गर्दा देशभरि ग्यास सिलेन्डरको कमीको स्थिति उत्पन्न भएको छ। यसले तमिलनाडुका होटल मालिकहरूको चिन्ता बढ़ाएको छ। तमिलनाडु होटल एसोसिएसनले केन्द्रिय पेट्रोलियम मन्त्री हरदीप सिंह पुरीलाई पत्र लेख्दै राज्यमा व्यावसायिक ग्यास सिलेन्डरको निर्बाध आपूर्ति सुनिश्चित गर्न माग गरेको छ।

तमिलनाडु होटल एसोसिएसनले आफ्नो चिन्ता व्यक्त गर्दै एक बयान जारी गरेको छ। उनीहरूले चेतावनी दिएका छन् कि यदि सिलेन्डरको आपूर्ति अचानक बन्द भयो भने होटल, रेस्टुरेन्ट र खानपान सेवाहरू बन्द हुनसक्छन्। एसोसिएशनले भन्यो, यसले खाद्य आपूर्तिमा असर पार्नेछ र धेरैको नोकरी पनि जानसक्छ। होटल एसोसिएसनले आरोप लगाएको छ कि व्यावसायिक सिलेन्डरको आपूर्ति पूर्ण रूपमा रोकिएको छ। साथै उनीहरूले सिलेन्डर आपूर्तिमा अवरोधले साना र मध्यम आकारका व्यवसायहरूलाई ठूलो आर्थिक नोक्सान पुऱ्याउने पनि बताए।

उनले भने, व्यावसायिक ग्यास सिलेन्डरको मूल्य पनि अचानक बढ़ेको छ र तिनीहरूको आपूर्ति प्रभावित भएको छ। पहिले होटलहरूले ग्यास सिलेन्डर बुक गरेको दुई दिनभित्र डेलिभरी पाउँथे तर अहिले 15 दिन बितिसक्दा पनि सिलेन्डर डेलिभरी हुन नसकेपछि होटल मालिकहरूमा आक्रोश बढ़ेको छ।

होटल एसोसिएशनले यस विषयमा केन्द्र सरकारसँग तत्काल कारबाहीको माग गरेको छ। आफ्नो पत्रमा उनीहरूले केन्द्र सरकारले व्यावसायिक ग्यास सिलेन्डरको निर्बाध उपलब्धता र होटलहरूमा नियमित आपूर्ति सुनिश्चित गर्नुपर्ने लेखेका छन्।

उल्लेख्य, हरेक महिनाको शुरूआतमा ग्यास सिलेन्डरहरूको दर तय गरिन्छ। यस पाली 01 मार्चमा 19 किलोको वाणिज्यिक ग्यास सिलेन्डरको दरमा वृद्धि गरियो। 28 फरवरी 2026 सम्म जुन सिलेन्डर 1,899 रूपियाँमा बिक्री भइरहेको थियो, त्यसको दर 01 मार्चमा 29.50 रूपियाँ बढ़ाएर 1,929 रुपियाँ गरियो। यसपछि एक हप्ताभित्रै दरमा फेरि वृद्धि गरियो। 07 मार्चमा वाणिज्यिक सिलेन्डरको दर 114.50 रुपियाँ बढ़ेर 2,043 रुपियाँ गरियो।

हिन्दुस्थान समाचार / भवानी थामी