इम्फाल, 15 मार्च (हि.स.)। मणिपुर पुलिसले उग्रवादी संगठन केसीपीको आदेशमा बलजफ्ती चन्दा असूली गतिविधिमा संलग्न चार जनालाई पक्राउ गरेको छ। पुलिसले चार जनासँग गहन सोधपुछ गरिरहेको छ।

मणिपुर पुलिस मुख्यालयले आइतवार एक आधिकारिक विज्ञप्तिमा भनेको छ कि जवाहरलाल नेहरू मेडिकल साइन्सेस इन्स्टिट्यूट (जेएनआईएमएस) मा कन्ट्रेक्ट स्टाफ नर्सहरूबाट पैसा असूलेको सम्बन्धमा पोरोमपत पुलिस स्टेशनमा दर्ता गरिएको एफआईआरको अनुसन्धानपछि मणिपुर पुलिसले शुक्रवार इम्फाल पश्चिम जिल्ला स्थित अपराधीहरूको घरबाट चार जनालाई पक्राउ गरेको छ।

पक्रा परेका व्यक्तिहरूको पहिचान खोइसनाम रोजर (29), खोइसनाम बायरन (23), सिनम उमाकान्त सिंह (43) र आरके हेरामोट सिंह (45) को रूपमा गरिएको छ। उनीहरूदेखि 39 लाख रुपियाँ बराबरको नगदी, छह वटा मोबाइल फोन र एउटा पेस्तोल जफत गरिएको छ।

पुलिस सोधपुछको क्रममा पक्रा परेका व्यक्तिहरूले प्रतिबन्धित संगठन केसीपी (ताइबांगनबा) को आदेशमा अपराध गरेको स्वीकार गरे। उनीहरूले जेएनआईएमएसका कन्ट्रेक्ट स्टाफबाट पैसा असूलेका थिए र त्यो भूमिगत संगठनमा पठाएका थिए।

हिन्दुस्थान समाचार / भवानी थामी