वाशिङ्टन, १५ मार्च (हि.स.)। अमेरिकी रक्षा विभागको मुख्यालय पेंटागनले बिहिबार पश्चिमी इराकमा ईरानविरुद्ध अभियानमा सहभागी रिफ्युलिङ विमान दुर्घटनामा मृत्यु भएका सबै छ अमेरिकी सैनिकहरूको पहिचान गरेको छ। पेंटागनले भनेको छ, यो दुर्घटनाको जांच अझै जारी छ।

सीबीएस न्यूजको रिपोर्टमा पेंटागनलाई उद्धृत गर्दै यी छ सैनिकहरूको पहिचान यस प्रकार छन्: (१) मेजर जोन ए. क्लिनर (३३) आबर्न, अलाबामा (२) क्याप्टेन एरियाना जी. साविनो (३१) कोभिङ्टन, वाशिङ्टन, (३) टेक. सर्जेन्ट एश्ले बी. प्रुइट (३४) बर्डस्टाउन, केन्टकी (४) क्याप्टेन सेथ आर. कोवल (३८) मुरस्विल, इन्डियाना, (५) क्याप्टेन कर्टिस जे. एङ्गस्ट (३०) भिल्मिङ्टन, ओहियो र (६) टेक. सर्जेन्ट टायलर एच. सिमन्स (२८) कोलम्बस, ओहियो ।पेंटागनले भनेको छ, क्लिनर, साविनो र प्रुइट फ्लोरिडाको म्याकडिल एयर फोर्स बेसको ६औं एयर रिफ्युलिङ विङ र कोवल, एङ्गस्ट र सिमन्स कोलम्बस ओहियोमा रिकेनबाकर एयर नेशनल गार्ड बेसको १२१औं एयर रिफ्युलिङ विङमा तैनाथ थिए।

---------------

हिन्दुस्थान समाचार / भवानी थामी